Saseluk APA Zumalai Amandio”Pratika Korupsaun Hahu Husi Uma Laran”

Foto Espesial Google

Covalima (RCCT)- 12-05-22- Komisaun Anti- Korupsaun (KAK) kontinua hala’o sensibilizasaun informasaun liu husi Semanariu ba lider komunitariu sira iha Postu Administrativu (PA) Zumalai konaba Papel Lideransa Komunitariu sira atu halo Prenevesaun no Kombate Korupsaun.

Iha Aberura ba Seminariu ne’e Saseluk Administrador Postu Administrativu(APA) Zumalai Amandio da Silva dehan pratíka korupsaun dala barak hahu husi Familia Uma Laran, nune’e baihira hetan kofiansa no asumi kargu xefia bele pratika fasil korupsaun ho osan ne’ebé bo’ot liu.

” Pratíka korrupsaun iha família hanesan osan ba fó ferik-oan sosa modo iha merkadu ho presu $ 5.00 deit, maibé nia hatoo gasta osan $ 10.00 nunee baihira hetan kofiansa asumi kargu xefia bele halo korrupsaun ho osan neebé boot liu.” Dehan Amandio.

Tan ne’e saseluk Administrador Postu Administrativu (APA) Zumalai konsidera Seminariu ne’e Importante ba Lideransa Komunitariu sira para bele hatene halo prevensun no Kombate Kurupsaun.

“Ohin ita-mai hamutuk iha-nee importante, atu rona imformasaun konaba prevensaun no kombate korupsaun, tanba iha ita-nia família lorloron ita pratíka lorloron”, Dehan Saseluk APA Zumalai Amandio da silva, iha salaun Postu Administrativu Zumalai, kinta nee.

Aleinde ne’e Adjuntu Komisáriu KAK ba asuntu Prevensaun no Sensibilizasaun, Luís Oliveira Sampaio agradese ba lideransa komunitária nia partipasaun iha semináriu ne’ebe ko’alia konaba prevensaun no kombate korupsaun iha Timor-Leste, mak realiza iha PA Zumalai.

“Ita rona korupsaun dala barak akontese deit iha nivél nNasionál, maibé orsamentu estadu sirkula iha Suku to’o Aldeia sira, la’os ita-bo’ot sira mak pratíka korupsaun maibé nudar autoridade lokál iha responsabilidade ”Nia esplika.

Nia Fundamneta Autoridade lokál nia papel importante hodi asegura rekusu estadu no papel estadu aloka orsamentu to’o duni ba komunidade sira.

Ho nune’e korupsaun la’os ba ema politiku, membru governu no diretór sira deit maibé korupsaun akontese iha fatin fatin maske la envolve direita maibé partisipa, hare no husik hela.

Iha semináriu nee oradór mai hosi KAK, hanesan oradór dahuluk Diretora Nasionál ba Asuntu Promosaun Valores no Integridade, Leonilda Rosa Soares Lobato aprezenta matéria papél KAK definisaun korupasaun kausa no oinsa dalan atu halo prevensaun no oradór daruak Adjunto Komisáriu KAK Luis Oliveira Sampaio apresenta matéria medida prevensaun kombate korrupsaun.

No iha Seminariu ne’e Partisipa másimu husi Lideransa komunitária ne’ebé sira pertense ba PA Zumalai no estudante sira husi eskola Téknika Vokasionál Zumalai.

Jornalista : Jefry RastaQ
Editor. : Chamot Nahac