Sasan Folin Sa’e iha Merkadu-Governu Lokal Bele Halo Intervensaun

Covalima (RCCT) 04-05-22. Relasiona ho sasan nesesidade baziku ne’ebé folin sa’e iha merkadu, prezudika negosiante susar atu hetan rendimentu nomos fo impaktu ba komprador no komunidade emjeral atu sustenta vida uma laran nian.

Naktalik ho kestaun ne’e, Servisu Munisipal Jestaun Merkadu no Turizmu Munisipiu Covalima Damião Amaral, Hateten sasan nesesidade baziku folin sa’e iha merkadu, parte Munisipiu labele halo intervensaun no ida ne’e Kompotensia Governu Sentral hodi bele halo intervensaun.

“Governu sentral mak bele halo intervensaun ba problema, oras ne’e daudaun povu preokupa konaba folin sasan sa’e iha merkadu, Munisipiu labele halo buat ida so halo deit relatoriu” katak Diretór Servisu Munisipal Jestaun Merkadu no Turizmu Munisipiu Covalima, Damião Amaral

Diretór ne’e hatutan folin sasan sa’e iha Timor-Leste inklui Covalima, ne’e problema Mundial, tanba ne’e impaktu husi funu ne’ebé akontese entre Nasaun Ukraina ho Rusia.

Impaktu husi sasan folin sa’e iha Timor Lsste inklui Covalima, hanoin la’os iha Timor Leste deit mak impaktu ba problema ida ne’e maibe mundu tomak infrenta hotu, tanba kauza husi funu entre Ukraina ho Rusia tanba ne’e mak halo konbustivel folin sa’e inklui nesesidade baziku sira hanesan mina tein no foos folin s’ae hotu iha merkadu sira nune’e mos ho konbustivel nia folin sa’e nia impaktu mos, mai to’o iha nesesidade baziku, tanba ne’e iha Timor-Leste Prezidente Republika hasai ona desizaun balu fo subsidiu konbustivel ba transporte publiku hotu iha Timor Leste.” Relata Directur Servisu Jestaun merkadu.

Enkuantu Diretór Nia afirma ligadu fali ba nesesidade baziku iha Timor-Leste hanesan nasaun konsumidor laos nasaun produtor, nasaun produtor sira mak hasae sasan nia folin sae entaun nasaun konsumidor sira automatikamente sasan nia folin sae iha merkadu.

Jurnalista :Alito de Jesus

Editor      :Chamot Nahac