SAS Covalima : Kada Fulan Produs Be’e 541,164 m².

Covalima (RCCT) 08-06-21, Servisu Munisipal Agua e Saneamento (SAS) Fornese be’e mos ba Komunidade Sira iha area urbana, nebe kada Fulan Produs Be’e 54.164 m², ho produsaun be barak maibe fornesimento atu distribui ba Komunidade sira sei menus iha Covalima.

Ba Jornalista STAFF Servisu Agua Saneamento Municipio Covalima Tome Geraldo Belo hateten, Produsaun be barak, maibe fornesimento atu distribui ba Komunidade Sira sei menus, Tanba falta be inan (sumber Be’e) la sufisiente atu hodi atende Komunidade Sira.

“Ita nia be’e matan husi Lakirim mai ne’e, Fulan Agostu ka Setembro ne’e bele maran, nebe Agora Ita depende deit Sumber iha Sukab i laran, nebe Kada Fulan nia bele Produsaun be’e ne’e 541.164 m², maibe seidauk Sura be nebe estraga (titik kebocoran) depois impaktu mos husi Zat kapur nebe mak iha, hodi reduz kanu nia medida” Dehan Tome ba Jornalista sira Segunda (7-6) Foin Lalais iha Nia Servisu Fatin

Liu husi difikuldade hirak ne’e,  husi SAS iha ona alternativu hodi halo sumber foun rua, no Bainhira finaliza sei garantia hodi atende Komunidade Sira Covalima.

” Ami iha ona alternativu, ami iha sumber foun rua iha Ladi no Sukabilaran, maibe projeto ne’e sei implementa hela, nia iha 13 litros kada detik, Ida fali 11 litros, ne’e iha parte Sukabi Laran, soke seidauk finaliza, Se karik finaliza ami garantia katak, sufisiente atu atende Komunidade Sira nia nessidade loro-loron nian”  Dehan Tome Belo.

Enkuanto projeto ne’e seidauk realiza, sei mantein ho volume be nebe iha, maibe Komunidade Uma kain hamutuk 1.065 maka asessu ona be mos nebe SAS Covalima Fornese ne’e.

” Se kuando projeto ne seidauk hotu, maka Komunidade Sira halerik bebeik, Tanba Komunidade Sira mos la iha konsiensia, Tanba dala ruma be nakonu ona, maibe sira la hare husik estraga deit, depois m² hira maka estraga, maibe agora dadaun ne’e Uma kain 1065 maka asessu ona” Tenik Tome ba Jornaslita sira iha nia Knar fatin.

Entertanto Orsamento ba projeto ba sumber 2 ne’e hamotuk Dolares Amerikanu $. 285,827.75.

Jornalista : Tynho Gusmao
Editor       : Chamot Nahac