Ruben “Promove Kultural hanesan identidade Timor nian hodi kapasita Jerasaun kontinuador ba Estadu TL”

Covalima(RCCT)26-06-22—Sekretariu komisaun Organizadora (KO) ba eventu Komemorasaun loron Padroeira Igreja Parokia Imakulada Korasaun Maria Fohorem ba dala xxx Ruben do Rego Alves dehan Igreja realiza Atividade kompetisaun Kultura iha ambitu selebrasaun ne’e ho objetivu promove kultural hanesan identidade Timor oan nian, no kapasita joven sira sai hanesan jerasaun kontinuador ba Estadu ida ne’e.

Lia hirak hato’o depois misa agradesimentu ba Padroeira Igreja Parokia Imakulada Korasaun Maria Fohorem ba dala XXX Sabadu (25/06).

“Objetivu husi selebrasaun objetivu primeiru mak atu hamoris fila fali espiritu, sentimentu fiar nudar sarani ba iha Nossa Señora nia loron, ne’ebé mak selebra husi Igreja Parokia Fohorem, husi atividade ne’ebé mak Parokia halo iha objetivu rua, ida mak atu promove kultural hanesan identidade timor oan hotu nian, no segundu, atu kapasita joven sira hanesan jerasaun kontinuador estadu ida ne’e”. Hteten Sekretariu komisaun Organizador (KO) ba eventu komemorasaun loron Padroeira parokia Fohorem Ruben do Rego Alves sabadu (25/06).

Ruben kontinua, husi programa ne’e, koloka mos aktividade kompetisaun sanulu resin ida 11, kompostu husi likurai, diskursu biblia, Le biblia, Fokal Grup no seluk tan.

husi programa ida ne’e, ita koloka mos atividade sanulu resin ida 11 kompostu husi likurai, diskursu biblia, Le biblia, Fokal Grup no seluk tan mak ami tau ona iha ajenda ne’e primeiru, no eventu ida mos sai hanesan programa anual ba parokia Fohorem nia iha futuru no kontinuasaun ba tinan oin”. Nia Hakotu.

Iha atividade kompetisaun ne’e Realiza hodi komemora loron Padroeira igreja Imakulada Korasaun Maria Fohorem no kontribui husi sarani sira hamutuk dalar Rihun neen atus neen rua nulu resin ida resin no partisipa husi sarani parokia lolotoe, husi sarani Fohorem rasik no kapela 11 husi estasaun 3 ne’ebé hamahon iha Parikia Fohorem.

Jornalista : J Correia

Editor     : Chamot Nahac