Rotaract Club of Covalima ( ROCCOV ) entrega fasilidades Ospitalidades ba servisu Saude Municipio Covalima

Covalima (RCCT)16-07-21, Grupu voluntariu Rotaract Club of Covalima ( ROCCOV ) entrega fasilidades hospital nian ba iha Servisu Saude Municipal Covalima atu bele fasilita Sentru Saude nebe existe iha Municipio Covalima.

Prezidente ROCCOV Julio Arlindo iha nia intervista hateten Rotaract Club hanesan organizasaun voluntariu nebe mak hak’man an iha rotary district Governor 9550 nia okos no ajudas hirak ne’e mai husi mai husi governu Norte Australia

Em prinsipiu hakarak hateten deit katak Rotaract Club Covalima hanesan organizasaun voluntariu nebe mak hak’man an iha rotary district Governor 9550 husi norte Australia ninian, sira distribui liu husi roccov, sira distribui ekipamentus kaixa 8, iha nebe iha lensol no mos manta ospital nian ba klubu ne’e, no kada klubu iha Timor iha klubu rotaract klub Manatuto, Manufahi, inklui Municipiu Covalima, ho inisiativa hirak ne’e mak hakarak fahe deit sasan ne’e ba Servisu Saude Municipal Covalima no depois mak servisu saude municipal mak aloka fila fali ba kada sentru saude iha Municipio” dehan Julio Arlindo prezidente ROCCOV

Aleinde fahe fasilidades ospital nian, rotaract club mos fahe aihan nesesidades bazikas ba komunidade kbiit laek sira iha Postu tolu mak hanesan Postu Zumalai, Tilomar no postu Suai

Antes mai entrega fasilidades saude ami nia klubu mos fahe ona aihan nesesidade bazika ba familia vulneravel sira iha postu tolu mak hanesan postu Zumalai, postu Tilomar no postu suai ho total familia 45 kada postu” tenik Julio Arlindo

Iha fatin hanesan Diretor Servisu Saude Municipal Covalima Filipe Pereira Lemos apresia ho grupu voluntariu rotaract club nebe mak iha vontade di’ak hodi apoia fasilidades ba iha servisu saude Municipio Covalima

Ami nia apresiasaun no agradese wa’in ba parseiru foun nebe ho nia vontade di’ak tebes atu fo apoiu ba servisu saude Municipiu Covalima liu liu ba iha sentru saude no postu saude sira no durante ne’e ita enfrenta hela iha postu saude no sentru saude sira balun ekipamentus sira hanesan agora dadauk sira fornese ne’e barak mak att ona, entaun ho apoia ida ne’e bele kobre nesesidade ba iha postu saude no sentru saude sira ne’ebe existe iha Municipiu Covalima” dehan Filipe Pereira

Entretantu fasilidades ospitalidade nebe grupu voluntariu Rotaract Club of Covalima entrega ba servisu saude Municipiu Covalima hetan apoiu husi Governu Norte Australia no atividades ne’e hala’o iha DHS Covalima.

Jornalista : Ade Gorete

Editor : Chamot Nahac