Rona Anúnsiu Rezultadu EN – Atributu Eskola Nakfilak ba Simbolu Arte Marsiais no Rituais

Estudante Pinta Simbolu Arte Ritual iha Farda Eskola ESGP nian. FOTO RCCT/Tynho Gusmão

Covalima (RCCT) 22-01-22, Loron Sabadu ohin (22/01) Anúnsiu rejultadu Ezame Nasional (EN) iha Eskola Sekundaria Geral Públika (ESGP) Suai, maibe seidauk remata anunsiu rejultadu Estudante sira pinta Simbolu Arte Marsiais hanesan IKS, PSHT,KORKA, inklui Arte Ritual 77 no Kolimau 2000 iha Farda Eskola hodi halo komboio iha Estrada Públiku.

Relasiona ho atitude hirak ne’ebé hahu provoka malu, parte husi Seguransa PNTL Covalima tun direta ba iha Eskola ESGP hodi asegura situasaun.

Relasiona ho atitude ne’ebé Estudante Finalista sira hatudu, Inspetur Edukasaun Covalima ne’ebé neebe toma responsavel ba ESGP Suai, Florindo do Carmo triste tanba atitude hirak ne’e la tama ona iha lala’ok Edukasaun nian.

” Parte husi Edukasaun triste tanba atitude hirak ne’e la tama ona iha regras Edukasaun nian, Edukasaun forma ema atu sai Ema, la’os forma ema atu sai mal Edukadu” Florindo Informa ho sentimentu triste.

Entretantu Diretór ESGP Suai Francelino dehan, antes ne’e Eskola fo ona avizu ba Estudante atu labele partisipa iha anúnsiu rejultadu Ezame Nasional hodi nune’e prevene situasaun hirak ne’e.

Jornalista :Tynho Gusmão

Editor      : Chamot Nahac