Covalima (RCCT) 09-08-21 Presidente Rotaract Club of Covalima (ROOCOV) Julio Arlindo hateten, Rotaract Club of Covalima (ROCCOV) sei fo Formasaun kona ba Lideransa nian ba Estudante Eskola Sekundáriu sira nebe eziste iha Munisipio Covalima.
Lia ne’e hato’o iha Sede Aldeia Gala Suco Beko bainhira remata distribuisaun aihan básiku ba familia Vulneravel sira ih-a Aldei Gala Domingo (08-08)
” Ami iha ona aktividades nebe maka kapasita ami nia membru sira kona ba treinamentu Lideransa ninian, nebe maka realiza iha Dili, maibe la iha kontinuasaun tamba Covid 19, maibe tuir mai ami sei iha formasaun konaba Lideransa ba Estudante Sekundariu sira ne’ebe existe iha Munisipio Covalima” Julio dehan.
Enkuanto dadaun ne’e, membru nebe ativu iha Rotaract Club of Covalima hamutuk ema 20 resin, tamba ne’e nia husu ba Juven sira nebe ho idade 18 to’o 30 atu hakbesik ba ROCCOV atu nune’e bele aprende hodi kontribui ba Munisipio Covalima.
” Klubu ne’e rasik momento ami hare kuase ema 90 resin, maibe balu iha preokupasaun estudus entaun balu la ativu, nebe membru maka ativu iha klubu ne’e hamutuk ema 20 resin, ha’u husu ba Juven husi 18 to’o 30, bele mai hamutuk iha ROCCOV, atu nune’e aprende hamutuk hodi kontribui buat balu ba Ita nia Municipio Covalima” Julio hakotu.
Maibe Presidente Rotaract Club of Covalima Julio Arlindo husu Autoridade Municipio, atu oferese fatin ruma ba Ekípa Servisu Voluntário Rotaract Club of Covalima, atu nune’e Rotaract Club bele halao servisu voluntário hodi servi Komunidade iha Covalima.
Jornalista : Tynho Gusmão
Editor : Chamot Nahac
