Covalima ( RCCT ) 12-10-21, Raes Hadomi Timor Oan (RHTO) iha Munisipio Covalima identifika ona dadus Ema ho difisiensia hamutuk Atus Tolu resin Hat (304) iha Covalima maibe Dadaun ne’e RHTO nafatin esfosu hodi foti tan dadus ba ema ho difisien sira nebe mak iha Aldeia no Suco sira nebe mak seidauk rezista.
Tuir Cordenador Cordenador RHTO Munispio Covalima Honorio Gusmão hateten Dadus ema ho Difisiensia nebe RHTO iha ne’e hetan husi Parseiru sira hanesan Xefe Aldeia no Xefe Suco Sira.
“Durante ne’e ami identifika ona ita nia maluk difisiensia sira iha Munisipio Covalima ho dadus provizoriamente hamutuk Atus tolu resin hat ( 304 ), dadus ne’e ami hetan husi ami nia Parceiru sira no balu mos hetan husi Xefe Aldeia no Xefe do Suco sira, maibe dala ruma ami rasik tun iha terenu hodi identifika rasik ba ema sira nebe mak tama kategoria difisiensia, Liu husi format nebe mak hanaran wosington Group Question hodi hatene lolos ema ne’e tama iha kategoria Difisiensia ka lae ” Cordenador RHTO Munisipio Covalima Honorio Gusmão
Enkuantu tuir Cordenador RHTO Munisipio Covalima ne’e hatutan Seidauk Kobere hotu iha Covalima laran hodi halo identifikasaun ba ema nebe ho kodisisaun difisiensia.
“Iha Covalima fatin barak mak ami parte seidauk foti dadus ema ho difisiensia, tanba ne’e Xefe Aldeia no Xefe do Suco sira ezizi ami atu foti sira nia komunidade nebe mak kategoria difisiensia, tanba ne’e ami mos esforsu an atu kopera hamutuk ho lideransa komunitaria sira atu fo dadus difisiensia iha sira nia Suco laran ” Tenik Cordenador RHTO Munisipio Covalima Honorio Gusmao
Entertantu Tuir Cordenador Raes Hadomi Timor Oan ( RHTO ) Honorio Gusmão husu ba parseiru no lideransa komunitaria sira atu servisu hamutuk hodi fo dadus ema ho difisiensia iha Suco ida – idak atu nune’e sira nia parte bele alista ema ho difisiensia sira ne’e nia naran iha sira nia Organizasaun RHTO.
Jornalista : Saturnino Soares
Editor : Chamot Nahac
