Covalima ( RCCT ) 23- 07-21, Reprezentante Embaisador Japaun Akuing Soares Lay vizita edifisi Bombeiros Municipio Covalima hodi observa fasilidade no ekipamentus nebe Bombeirus Municipio Covalima utilza hodi halo Servis durante ne’e.
Iha vizita reprezentante Embaisador Japaun ba Edifisiu Bombeirus Covalima ne’e Komandante Bombeiros Municipio Covalima Benjamin Amaral iha nia intervista ho Jornalista hateten reprezentante Embaisador Japaun mai iha Covalima ne’e atu hare fasilidades no ekipamentus Bombeirus nian nebe mak durante ne’e iha.
“ Ohin sira mai hodi hatene saida ma kami infrenta iha terenu, ne’ebe reprezentante Embaisador nia prezensa ida ne’e ami Bonbeirus Munisipio Covalima fo Agradese tebes tamba ho sira nia prezensa bele hare direita situasaun ril iha Munispio covalima ne’e para sira hare rasik nune’e sira bele aprezenta fali ba Embaisador Japaun, ho difikuldade ne’ebe mak durante ne’e Bombeirus munispio Covalima infrenta ” Informa Komandante Bombeiros Municipio Covalima Benjamin Amaral.
Komandante Bombeiros Municipio mos haktuir durante ne’e Bombeirus Municipio Covalima iha kareta haat ( 4 ) ida mak at ona no tolu seluk mak durante ne’e funsiona hodi hala’o servisu Bombeirus nian hodi apoio komunidade sira no mos hodi apoiu ba instituisaun sira seluk no mos ba prevensaun Dezastre nian iha covalima.
“ Iha Bombeirus Covalima iha kareta haat ( 4 ) maibe ida at ona no tolu seluk mak sei funsiona maibe nia kondisaun kareta la normal ona tanba la halo manutensaun durante ne’e, ita hare dadaun hanesan kareta nia tanki nia ain at dadaun ona, ho ida ha’u hanesan komandante sempre fo hanoin ba ha’u nia membro sira katak halai tenke kalma tanba ho kondisaun kareta la normal ona tanba kareta hirak ne’e balu sosa iha tinan rihun rua sanulu resin rua (2012) liu ba no agora la halo manutensaun” Tenik Komandante Bombeiros Munisipio Covalima Benjamin Amaral.
Engkuantu iha fatin hanesan reprezentante Embaisador Japaun Akuing Soares Lay hateten iha liu husi vizita ne’e atu hare kondisoens ekipamentus no fasilidade Bombeirus Municipio Covalima nian nune’e bele aprezenta fali ba Emabaidor Japaun iha Timor Leste para hodi buka solusaun ba problemas hirak ne’e.
“Ha’u mai hanesan reprezentante Embaisador Japaun nian atu hare kondisoens direitamente ba fasilidaade no ekipamentus Bombeiros nian nebe mak at barak ona tanba ne’e ha’u sente tristi tebes hare ida ne’e, tanba ne’e hanesan problema bo’ot ba ita nia pessoal Bombeiros sira no mos ba ita nia komunidade sira iha Covalima wainhira mosu dezastre ruma, tanba ne’e wainhira ha’u fila husi Municipio Covalima ha’u sei aprezenta fali ba Embaisador Japaun Kona ba Problemas hira ne’e hodi buka solusaun ”dehan Akuing Soares Lay.
Entertanto tuir komandante Bonbeiros Municipio Covalima Benjamin Amaral hateten durante tinan ida resin ona Bonbeiros iha Municipio Covalima la iha orsamentu manutensaun ba fasilidade no ekipamentus sira hanesan kareta no seluk seluk tan.
Jornalista : Saturnino Soares
Editor : Chamot Nahac
