Covalima (RCCT) 24-01-22, Komandante PNTL Munisipiu Covalima Super-Intendente Polisia Basilio de Jesus hateten hateten Membru Unidade Polisia Marítima (UPM) 6 ne’ebé konsidera komete krime Marcos Amaral, Marcelina Noronha no Halakon Julio Amaral Nia Vida iha Suco Suai Loro, dadaun ne’e detein ona iha sela Komandu PNTL Munisipiu Covalima durante oras 72 hodi submente prosessu kontinuasaun.
Notisia Relevante : https://www.rcct.tl/julio-hakotu-is-hafoin-hetan-baku-husi-oknum-polisia-upm-iha-suai-loro/
Super-Intendente ne’e esplika, bainhira remata kumpri durante oras 72 iha sela detensaun, kompeténsia Ministériu Públiku (MP) nian hodi halo prossesu tuir lei.
“Ita nia pessoal sira ne’ebé maka konsidera involve iha asaun ida horiseik, komesa horiseik tuku 8 dader ita hatama sira iha sela detensaun hodi asegura, depois lei hatete katak sira sei kumpri durante 72 oras iha sela, depois remata, sei tama iha prosessu Primeiru interagatóriu iha Tribunal, ne’ebé ida ne’e kompeténsia Ministériu Públiku nian hanesan na’in ba prosessu hotu” Komandante Basilio Informa iha Komandu PNTL Covalima (24/01)
Komandante ne’e informa, ema hotu iha lei nia okos, tanba ne’e kualker sei deit maka envolve iha krime, tenki halo prosessu tuir lei ne’ebé iha.
“Atu dehan deit katak, ema hotu-hotu iha lei nia okos, se deit maka envolve iha kualker kazu ne’e tenki halo prosessu, atu nune’e liu husi prosessu judisiál ne’e ita bele hatene se maka lo’os no se maka sala” Komandante Basilio informa.
Entretantu Kazu ne’e akontese iha Suai Loro loron 22 kalan, wainhira Vitima sira partsipa iha Serimónia Inagurasaun Uma Lisan, maibe iha loron 23 madrugada mais ou menus tuku 3Otl liu foin akontese Joven Julio Amaral lakon vida tanba hetan baku husi membru UPM na’in 6.
Jornalista : Tynho Gusmão & Aje Ferreira
Editór : Chamot Nahac
