Rehabilitasaun Sede Suco Ba Faze Daruak Iha Covalima-MAE Aloka Orsamentu $.97,860.00

Foto Diretor PNDS Munisipiu Covalima Francisco Cardoso iha Salaun Administrasaun nia oin

Covalima (RCCT) 15-11-21, Ministériu Administrasaun Estatal (MAE) aloka orsamentu $.97,860.00 ba Munisipiu Covalima hodi halo reabilitasaun Sede Suco ualu (8) ba faze daruak iha Covalima.

Ba Jornalísta sira Diretór PNDS Municipio Covalima Filipe Cardoso iha nia k’naar fatin mensiona husi total Sede Suco ualu (8) iha Covalima ne’ebé atu rehabilita ba faze daruak nian kompostu husi Postu Suai hamutuk lima (5) no Postu Fatumea hamutuk tolu (3), maibe prosessu Implementasaun sei iha etapa mobilizasaun traballadores no prosessu aprovisionamentu.

“Reabilitasaun Sede Suco ba faze daruak ne’e hamutuk ualu, ne’ebe agora dadaun Governu liu husi MAE aloka ona orsamentu por volta noventa Sete mil, oito centos sesenta ($.97,860.00) para utiliza finansia atividades reabilitasaun Sede Suco ualu (8) kompostu husi Postu Suai lima (5) no Fatumea tolu (3),maibe implementasaun sei iha etapa mobilizasaun traballador sira no prosessu aprovisionamentu depois hotu maka tama iha projetu fisiku” Filipe Cardoso.

Enkuantu reabilitasaun ba Sede Suco Sanulu (10) ba faze dahuluk iha Covalima Governu aloka orsamentu $.139,241.93 maibe Sede Suco sia (9) atinji ona 100%, Sede ida maka seidauk tanba enfrenta difikuldade kondisaun estradane’ebe att.

“Ba faze primeiru nian Governu aloka orsamentu $.139,241.93 ba reabilitasaun Sede Suku hamutuk Sanulu (10) ne’ebe kompostu husi Postu Zumalai ualu (8) no Fatululik rua (2) maibe prosessu ne’e Sede Suku sia (9) maka atinji ona 100%, so iha Suco Ucekai foin atinji 56%, tanba kondisaun estrada att entaun afeta ba movimentasaun fornesedor sira atu lori material Konstrusaun ba iha ne’eba” Filipe Cardoso Informa.

Maske Infrenta difikuldades barak maibe infelizmente Ekipa PNDS hamutuk ho Ekipa Jestaun Suco kontinua halo reabilitasaun hodi nune’e fulan oin bele atinji 100%.

Enkuantu prosessu implementasaun Uma Kbi’it Laek (UKL) hamutuk 90 iha Covalima foin atinji 48%, maibe Diretor PNDS Covalima rekoñese tuir “Global Time Line”aktividades ne’e atraju tanba Infrenta situasaun Surtu Covid-19 iha Timor Leste.

” Bazeia ba Global Time Line aktividades ne’e atraju tanba kestaun maka ohin hau dehan ne’e, implementa Serka Sanitaria tanba ne’e maka atraja ne’e” Diretor ne’e informa.

Entretantu em jeral Projetu PNDS ne’ebé implementa iha Municipio Covalima ne’ebé PNDS regularasik maka UKL, reabilitasaun Sede Suco faze I no II, hamutuk projetu 143.

Jornalísta : Tynho Gusmão

Editor : Chamot Nahac