Covalima (RCCT), 02-09-21, Relasiona ho Governo Extende beibeik Serka Sanitaria (SS) no Tanba Covod-19, no Suspende Aktividade Eskolar ba estudante sira mak fo impaktu Negativu ba Alunos sira nia
futuru, nune’e mos hanesan Inan ba Estudantes Regolinda Ikun Lese konsidera Eskola online no eskola ba Uma nebe Governu Aplika ba estudante sira la fo benefisiu nebe di’ak.
“Eskola ba Ha’u preokupa ho valor ba ami nia oan sira atu hetan, bainhira governu suspende beibeik prosesu aprendijazen ba estudante sira iha eskola, nudar inan ida ha’u senti eskola online ka eskola ba uma la fo benefisiu di’ak ba sira nia oan.” Regolinda Expresa
Nia mos senti tristi tanba ho Serka Sanitaria (SS) no mos Governu Suspende Aktividade Aprendizasen ba estundate sira ne’e tanba bele impede ninia oan sira nia futuru.
“Ami inan no aman senti triste tanba Serka Sanitaria hela deit entaun ami nia oan sira la eskola oinsa ho ami nia oan sira nia futuru, ita ko’alia beibeik katak ita nia oan sira tenke buka matenek iha eskola, maibe eskola taka beibeik ba ami nia oan sira” dehan Regolinda Ikun Lese iha wainhira Partisipa iha Talkshow Radio iha Estudio RCCT Quarta feira (01-09)
Regolinda hatutan nudar inan, Nia la fo sala ba Manorin Na’in sira tanba la’os profesores sira mak Disidi Serka Sanitaria hodi suspende atividades aprendijazen iha eskola.
“ Ita labele fo sala ba profesores sira tanba Serka Sanitaria mai husi ita nia governu hodi suspende hotu atividades aprendijazen ba ami nia oan sira, entaun ami nia oan sira mos para lai, dehan katak eskola online entaun ami inan aman beikten ne la hatene eskola online mak ida ne’ebe” Regolinda hatutan
Nune’e Regolinda Ikus Lese nafatin preokupa ho valor nebe ninia oan sira atu hetan, bainhira governu suspende beibeik prosesu aprendijazen ba estudante sira iha eskola Nia Mos dehan nudar inan ida senti eskola online ka eskola ba uma la fo benefisiu diak ba sira nia oan.
Jornalista: Ade Gorete
Editor : Chamot Nahac
