Covalima (RCCT) 17-11-21, Tuir Observasaun ne’ebé Asosiasaun Halibur Defisiensia Matan Iha Timor Leste (AHDMTL), Halo hatudu rezultadu Ema ho Difisiensia Menus Assesu ba Edukasuan iha Timor Leste kompara no ema nebe ho Kondisaun Normal.
Bar Jornalista Diretur AHDMTL Gaspar Afonso Informa, Partisipasaun ema ho Difesiensia iha Area Edukasaun Menus Kompara ho Ema ne’ebé moris ho kondisaun fisiku normal sira.
“Ema ho Defisiensia Rihun Tolu Nulu Resin Walu, Atus Ida Sanulu Resin Walu ( 38. 118 ) Ema ho Defisiensia hirak ne’e la to’o tan 1 % partisipa iha Edukasaun, husi Numeiru ne’e Ema Rihun Rua Nulu resin Lima, Atus Hitu Walu Nulu Resin sia Mak sei hela iha ana-afabetizasaun nia laran” Gaspar Dadehan iha Edifisiu Servisu Edukasaun Municipio Covalima
Tanba ne’e Diretur AHDMTL husu ba Autoridade no entidade sira iha seitor hotu hotu iha Municipio Covalima atu tau planu ne’ebe mak inkluzivu no tau orsamentu sensivel ba ema hotu hotu.
“ Ita hakarak husu ba Prezidente Autoridade ho nia entidades sira iha Municipio Covalima liu liu iha Edukasaun, Sosial, Saude, Agrikultur no Seitor selu seluk, ne’ebé mak relevante, atu planu ida ne’ebé mak inkluzivu, no orsamentu ida ne’ebé mak sensivel ba ema hotu hotu atu nune’e bele fo oportunidade ba ema hotu inklui mos ema ho defisiensia sira, entaun prezidente Autoridade ho entidades sira hotu no nia komponente sira ne’ebé mak reprezentante kada Ministeriu iha Municipio Covalima tenke hare hodi tau planu ida ne’ebe mak di’ak no adekuadu ba ema hotu hotu iha Municipio Covalima ” Tenik Diretur AHDMTL Gaspar Afonso.
Entretantu tuir Diretur AHDMTL Gaspar Afonso ema Difesiensia matan iha Timor Leste hamutk 14. 828, Ema ho Defisiensia Tilun hamutuk 12. 000 liu, Ema ho Defisiensia Mobilidade ka Motora hamutuk 7.000 resin, no Numeru ki’ik liu mak Ema ho Defisiensia Pisikologia no Intelektual hamutuk 3000 resin.
Jornalista : Saturnino Soares
Editor : Chamot Nahac
