Covalima (RCCT) 01-09-21, Vitima Natalino Cardoso ho Funsionariu iha MAP Covalima ho Inisial MS ne’e haksesuk malu iha Edifisu Veteranus Munisipiu Covalima nia oin nebe pertense iha Aldeia Tabakolot, tanba Funsionariu ho inisial MS ne’e halo kobransa Ilegal husi sidadaun na’in 6 iha Fulan Febreiru, hodi habosok atu fo servisu ba sira, maibe to’o agora Sidadaun na’in 6 ne’e la hetan servisu.
Ba Jornalísta sira Vítima Natalino Cardoso hateten Funsionariu Inisial MS ne’e halo kobransa husi sidadaun na’in 6 ho osan kada ema ida hatama dolares 100 resin hodi habosok vitima sira ho rajaun atu fo servisu.
” Osan ne’e ami na’in 6 manda ba nia liu husi mosan Telemor deit, tanba nia dehan atu fo ami servisu iha Kompañia ida, depois sensus ba kbi’it la’ek nian, maibe Kompañia nemos lalos, nebe agora tempo Covid-19 ami servisu la iha ami naran fo deit, nebe ami na’in 6 ne’e Osan hamutuk 600 resin, maibe to’o ohin loron ami la rona informasaun husi nia, ne’e mak ami foin hatene ema ne’e halo korupsaun ona “ Natalino dehan iha Edifisu Veteranus Covalima nia oin.
Ho Optimista Natalino nafatin husu Funsionariu MAP Inisial MS nebe halo kobransa Ilegal atu fo fila Osan sira nia Osan, Natalino promesa bainhira la fo fila Osan ne’e maka sei halo prosessu tuir dala Legal.
” Nia ne’e bosok ten, nia ne’e halo korupsaun nebe tenke fo final ami nia Osan, nia la fo fila ne’e tenke halo prosessu para kaer nia maka di’ak, se nia entrega ne’e tenke ho funan lae prosessu nia, tamba nia bosok Ten “ Natalino dehan.
Jornalísta konfirma ho Autor ba Kobransa Inisial MS ne’e, nia promesa sei esforsu, atu nune’e loron ikus Fulan Setembru sei selu sira nia Osan nebe maka nia foti.
” Osan nebe ha’u foti iha sira ne’e ha’u maka uja, nebe ha’u promete kedas komesa husi ohin ha’u esforsu, depois antes Fulan ne’e remata ha’u maka entrega rasik ba sira , ne’e Ha’u promete” Atuor kobransa Inisial MS ne dehan
.
Dadaun ne’e Autor ho inisio MS servisu hanesan Funsionariu Asistensia Irigasaun iha Parte Postu Zumalai Iha Edifísiu Agricultura Munisipiu Covalima.
Jornalísta : Tynho Gusmao
Editor : Chamot Nahac
