Programa Maun de Obra Iha Suai-Luzinho: tempo Badak Ita sei Rehabilita Jardim no Palku iha Kampo Futteboll Ladi

Covalima (RCCT) 14-09-21, Husi Fundus Programa Maun de Obra hamotuk $ 50.000 nebe Fahe ba Faze rua nebe kada Faze hetan $ 25.000, husi Ministerio Administrasaun Estatal (MAE) Aloka ba Administrasaun Postu Administrativu Suai, maka iha Programa Maun de Obra Faze Segundo Planu Administrasaun Postu Administrativu Suai sei halo rehabilitasaun Jardim iha Edifisiu Administrasaun Postu Suai nia oin no mos rehabilita Palku iha Kampo Futtebol iha Ladi no mos Aktividade Limpeza Esguto iha fatin Publiku sira nebe Risku ba Inundasaun wainhira udan.

Administrador Posto Administrativu (APA) Suai Luzino do Rego hateten iha tempu badak antes tama ba tinan foun tenke hala’o ona rehablitasaun ba Jardim iha Edifisio Postu Adminisrativu Suai nia oin no Rehabilita Palku iha Kampo Ladi Suai no sei kontinua mos Aktividade limpeza esgotu iha fatin sira nebe risku inundasaun, hanesan beleta iha estrada publiku sira.

“ Fulan Rua ka Tolu antes tama ba Tinan Foun, ita sei halo rehablitasaun Jardim Edifisio Posto Administrativo Suai nia oin no agora halo hela prosesu, liu husi inplementasaun Programa Maun de Obra,nebe mak agora dadaun prosesu selesaun ba trabalhador sira no agora Xefe do Suco sira haruka ona Trabalhadores sira nia naran mai Administrasaun Posto Suai atu fo kontratu ba travallador hirak ne’e ” informa APA Suai Luzino do Rego.

Administrador Posto Suai hatutan komesa aban (15-09) ba oin halo ona movilizasaun material hanesan rai henek no Fatuk nune’e bele hahu ona rehablitasaun Jardim no mos aumenta rehablitasaun Palku iha Kampu Futteboll Ladi.

“ Komesa aban ba oin ita halo ona movilizasaun material hanesan Rai henek atu halo rehablitasaun Jardim no mos aumenta rehablitasaun Palku iha Kampu ladi, tamba rekrutamentu trabalhadores sira remata ona, nebe halo selesaun husi Xefe do Suco sira no agora naran trabalhador sira nia iha ona Administrasaun Posto Suai ” Tenik APA Suai Lujinho do Rego.

Entretantu tuir Administrador Posto Administrativo Suai Luzino do Rego hateten orsamentu ba programa maun de obra ne’e ho montante rihun lima nulu ( $ 50. 000 ) nebe fahe ba faze 2 kadak Faze hetan $ 25.000 ne’e ho nia objetivu atu hamos baleta no Estrada ninin, halo manutensaun ba Estrada kuak sira no mos halo rehablitasaun sira bazeai ba planu husi Administrasaun Posto nian.

Jornalista : Saturnino Soares
Editor       : Chamot Nahac