Programa Mão de Obra- Posto Administrativo Suai hetan Apoio Osan $ 50.000 husi MAE

Covalima ( RCCT ) 19-08-21, Ministerio Administrasaun Etatal (MAE) fo apoio orsamentu rihun lima nulu ($ 50.000) Dollares Americano ba Posto Administrativo Suai hodi halo programa Mão de Obra hodi limpeza iha Nivel Suco iha area dores Posto Administrativo Suai nian.

Administrador Posto Suai Laurentino de Yesus Informa ba RCCT iha nia servisu fatin prosesu Mão de obra ne’e implementa iha nivel Suco iha area dores Posto Administrativo Suai nebe hetan apoio orsamentu Governu liu husi Ministerio Administrasaun Estatal (MAE) ho montante rihun lima nulu ( $ 50.000 ) dolares Americano

Ita ko’alia kona ba Mão de Obra nebe mak implementa iha nivel Posto hotu-hotu iha Municipio Covalima, maibe ha’u ko’alia kona ba Posto Administrativo Suai nian katak orsamentu ne’e mai husi estadu liu husi Ministerio MAE ho montante rihun lima nulu ( $ 50.000 ), maibe iha primeiru periode husi Posto Administrativo Suai hasai orsamentu iha banku rihun rua nulu resin lima ( $ 25.000 ) dolares Americano” Dehan Administrador Posto Administrativu Suai Larentino de Yesus.

Relasiona ho orsamentu rihun lima nulu ( $ 50.000 ) dolares Americano ne’ebe apoiu husi MAE ne’e Administrador Posto Administrativo Suai ho lideransa Suco sira forma kedas grupu hitu (7) iha Suco 5 nia laran no kada grupu ema na’in rua nulu ( 20 ) hodi halo limpeza iha Suco laran.

Iha Suco 5 nebe partensia iha Posto Administrativo Suai nian, ho ida ne’e primeiro ami forma kedas Grupo 7 no kada grupo ema iha nain 2, maibe orsamentu ba trabalhadores hirak ne’e jere husi nivel Posto no Xefe do Suco sira prepara deit trabalhador na’in 20 iha sira nia suco laran maibe ema na’in 20 ne’e hili ida sai mandor atu hare ba ema nain sanulu resin sia nebe mak sai hanesan trabalhador ba iha limpeza ne’e, no trabalhador hirak ne’e kada loron ema na’in ida hetan $ 5.00 no ema nebe mak sai hanesan mandor hetan dolar $ 7.00 kada loron ” Tenik Administrador Posto Administrativu Suai Larentino de Jesus.

Entretanto tuir Administrador Posto Administrativu Suai Larentino de Yesus hateten Trabalhadores sira iha Suco 5 nebe lokaliza iha Posto Administrativu Suai dadaun ne’e nafatin haalo servisu iha Area dores iha sira nia Suco ida idak.

Jornalista : Saturnino Soares

Editor      : Chamot Nahac