Covalima (RCCT) 09-12-21, Koordenador ba programa Universidade Nasional Timor Lorosa’e (UNTL) iha Covalima hamutuk ho Estudante Universidade Nasional Timor Lorosa’e forma komisaun hodi prepara ba Judisium ne’ebé sei akontese iha loron 17/18 fulan Dezembru 2021.
Ba Jornalista RCCT Koordenador ba Programa UNTL Water Laka hateten, forma komisaun Organizadora ne’e hodi prepara ba Judisium professor Kontratadu sira ne’ebé asesu UNTL iha Covalima nian iha Covalima ne’ebé tuir planu Nasional ne’ebé sei akontese iha loron 17/18 tinan ne’e.
“Aktividades ba loron ohin nian ne’e sira husi professor/a kontratadu sira ne’ebé mak asesu ba UNTL tanba ne’e mak ami forma komisaun hodi prepara ba Judisium tanba tuir planu Nasional nebe mak sei akontese iha loron 17/18 fulan Dezembro tinan ne’e” dehan Kordenador ba Programa UNTL Covalima Water Laka
Water Laka esplika preparasaun ne’e ba deit Judisium,ba Graduasaun ninian seidauk prepara tanba depende ba kalendariu husi Nasional.
“Ami sei prepara deit ba Judisium ninin, atu graduasaun ne’e seidauk prepara tanba ami depende ba kalendariu husi Nasional, nune’e mos ba Judisium nian desizaun husi UNTL ho Infordepe no Judisium bele hala’o iha Municipio, maibe tuir planu Nasional nian graduasaun sei konserta iha Ainaro” katak Water Laka
Entretantau Water Laka informa tuir dadus professor ne’ebé atu Yudisium hamotuk ema na’in 180, maibe antes ne’e dadus iha Ema hamutuk 191, so ke iha prosesu ne’e la’o ema na’in 6 mak hakotu Jornada moris no Nain 5 seluk Kondisaun la permite atu Partisipa iha prosesu Aprendizasen to’o Yudisium
Jornalista : Aje Ferreira / Ansa Nunes
Editor : Chamot Nahac
