Professor ESGP na’in Ida Positivu- Obrigatorio nia maluk Professor na’in 16 tenki halo swab test ohin

Covalima (RCCT) 25-06-21, Fafoin detektak Profesor na’in 1 husi Professor Eskola Sekundaria Geral Publika Suai (ESGP) positivu Covid-19 iha dia (23-06) foin lalasi, nebe Profesor ne’e hanesan Pasiente ba moras babain nebe konsulta iha Ospital referal Suai, no iha momentu neba depois de halo swab test, laboratirum fo sai rezultadu Pasiente (Profesor) Profesor ne’e Positivu Covid-19.

Tamba ne’e mak Sesta Feira ohin (25-06) Ekipa Vijilansia Servisu Saude Municipio halo teste swab ba Professor ESGP na’in 16 iha EBC Ladi, Tanba deskonfia iha ona kontaktu ho paisente nebe Positivo Covid 19.

Ba Jornalista RCCT Oficial Vijilansia Servisu Saude Municipio Covalima Serafin Moniz hateten, Ekipa Vijilansia Obrigatorio tenke halo teste swab ba Professor ESGP Suai iha Eskola EBC Ladi no Serankotek, Tanba konsidera iha ona kontaktu ho pasiente Positivo Covid 19.

” Pasiente ami deteta iha Hospital Suai, Bainhira nia kondisaun ladun di’ak nia ba konsulta iha hospital ne’e, iha tempo neba maka Ami deteta positivu, Tanba ne’e maka ohin Ami mai halo teste swab ba Professor sira iha ne’e, Tanba Ita hatene katak sira kontaktu ona ho pasiente Positivo Covid 19 “ Dehan Serafin.

Serafin Moniz hatutan, Professor nebe Positivu ne’e agoradaun iha hela ona Sala Isolamento, nia esplika liu tan, Professor ne’e ho kondisaun nebe normal, no la iha sintomas, nebe hatudu katak ba Covid 19, maibe Asintomatiku.

” Professor nebe maka Positivu agora dadaun iha hela Sala Isolamento, no Professor ne’e nia kondisaun di’ak, depois la iha sintomas ida ba Covid 19, maibe Asintomatiku “ Dehan Serafin iha EBC Ladi.

Oficial Vijilansia Servisu Saude Municipio Covalima ne’e dehan, Professor iha ESGP Suai nebe seidauk halo teste swab ohin, sira nia parte sei determina loron, hodi Kontinua halo teste swab ba Professor sira nebe hanorin iha ESGP Suai .

” Professor sira nebe maka ohin loron la Marka prezensa iha ne’e, Ami sei buka tempo atu Sira mos tenke swab, depois La’os iha Ladi ne’e deit, Ami sei ba Seran Kotek atu halo teste swab ba Professor sira iha neba” Serafin dehan.

Engkuantu Jornalista RCCT seidauk Konfirma ho Diretor Servisu Saude Municipio Covalima, kona ba dadus ba Positivu Covid 19 iha Covalima.

To’o notisia ne’e hatun Profesor ESGP Suai iha EBC Ladi hamutuk 30, maibe Ekipa Vijilansia halo deit teste swab, ba Ema 16 tanba Professor balun la marka prezensa.

Jornalista. : Tynho Gusmao
Editor.        : Chamot Nahac