Profesores nain 3 no Guarda Biblioteka na’in 2 Postivu Covid-19-ESGP Suai Suspende Provijorimente aktividades Eskolar

Covalima (RCCT) 02-06-21 Relasiona ho Professores na’in 3 no Guaeda Biblioteka na’in 2 nebe Positivu ba Moras Covid-19, maka Eskola Sekundaria Geral Publika (ESGP) Suai Suspende provojorimente aktividade ensino Aprendizasen iha Escola.

Informa ba Jornalista Diretur Escola Secundaria Geral Publica de Suai (ESGP) Francelino Freitas Carvalho deklara, maske Prosesu Aprendisajem la la’o iha ESGP Suai, relasiona ho situasaun nebe Escola Infrenta kona ba Professores na’in 3 no Guarda Biblioteka na’in 2 nebe mak Positivu ba Covid-19 maibe Estudante sira nafatin Aprende iha uma.

Ita la’os Suspende Prosesu Aprendisagem iha Escola, tamba ho situasaunmoras Covid-19, nebe Professores na’in 3 no Guarda Biblioteka na’in 2 hetan Positivu ba Covid-19, tanba ne’e mak  eskola haruka Estudante sira hakmatek iha uma, no Estuda iha uma” Dehan Diretur ESGP Suai Francelino Freitas Carvalho

Diretur ESGP ne’e hatutan, Suspende Aprendisajem iha Escola ne’e, la’os Despaixu ruma husi MEJD, maibe Suspende Provijorio deit, tanba atu Prevene husi Moras Covid-19 no hakotu korente tramisaun Covid-19 iha eskola.

Suspende Aprendizajem iha Escola ne’e, la’os Despaixu ruma husi MEJD, maibe ita Suspende Provijorio deit tanba ita atu Prevene husi Moras Covid-19 labele daet bebeik iha Escola ne’e rasik” Tenik Francelino Freitas Carvalho

Diretur Escola Secundaria Geral Publica de Suai (ESGP) Francelino Freitas Carvalho informa, Materia nebe Professores sira durante ne’e prepara ba estudante sira, ba dadaun ne’e, Estudante sira estuda deit iha uma.

Materia nebe Professores sira durante ne’e prepara ba Estudante sira, no fo ba Estudante sira haruka sira estuda deit iha uma, Estudante sira estuda iha uma, karik iha difikuldade ruma, sira bele kontaktu Direta Professores sira liu husi Via Telefoni no WhatApp Diretur Francelino Freitas Carvalho Hakotu

Estudantil EGSP Suai :Jefriano Jose

Editor                          : Chamot Nahac