Covalima (RCCT) 02-08-21 Iha loron Sábado (31-07) foin lalais ne’e Presidente Cruz Vermelha Timor Leste (CVTL) halo vijita ba Linha Fronteira entre Repúblika Indonésia (RI) ho Timor Leste, nebe pertense iha Suco Beiseuk Aldeia Wala Lama, hodi halo observasaun ba servisu Saúde nian no Seguransa iha linha Fronteira, ho nune’e Prezidente CVTL Madalena Hamjam apresia ba Ekípa Saúde no Polisia Unidade Fronteira (UPF) nia servisu iha linha Fronteira.
“ Objetivo ohin ami mai vijita iha ne’e hodi husu Komunidade sira nebe hela besik iha linha fronteira ho Indonésia ne’e, husu sira kona ba sira iha ne’e simu vasina ona ga seidauk, no mos ita husu no observa kona ba seguransa iha Linha Fronteira durante Situasaun Covid-19 ne’e ” Presidente CVTL ne’e dehan.
Prezidente CVTL Madalena Hamjam apresia ho Ekípa Saúde nia servisu nebe halo iha Fronteira, no mos Seguransa Unidade Polísia Fronteira (UPF) halo kontrolu máximu iha Linha Fronteira.
“ Liu husi Vijitasaun ida ne’e ha’u apresia tebes ho Ministériu da Saúde nia programa nebe maka Ekípa Saúde sira halo iha Fronteira, Tanba ohin ha’u husu komunidade sira iha Fronteira ne’e, sira mos dehan simu ona vaksina Primeiru no balu kompleta ona vasina dala rua nian, depois parte seguransa sira mos kontroladu máximu iha fronteira husi primeiru EE ba moras Covid-19 mai agora la iha movimentu husi Indonesia mai Timor-Leste ” Presidente CVTL ne’e dehan.
Prezidente CVTL ne’e enkoraja komunidade sira nebe hela iha Fronteira atu labele halo movimento ba Nasaun Vijinho hodi nune’e evita moras mai iha Nasaun Timor-Leste, Presidente ne’e enkoraja mos ba UPF, atu nafatin halo kontrolu máximu ba Linha Fronteira sira.
Jornalísta : Ekípa Kobertura
Editor : Chamot Nahac
