Covalima (RCCT) 21-01-2022, Administrador Munisipiu Covalima (AMC) Francisco de Andrade organiza Funsionáriu inklui Sosiedade Sivil sira halo limpeza hahu husi Administrasaun Munisipiu ba to’o Igreja Ave Maria Suai nia oin.
Administrador hateten ho limpeza ne’e bele prevene moras Dengue, tanba duránte fulan Janeiru tinan ne’e Dengue hamate ona ema na’in rua iha Munisipiu Covalima.
” Objetivu limpeza ne’e tanba relatóriu husi Saúde mai númeru moras dengue ne’e sa’e no hamate ona ema, tanba ne’e mak ohin loron sexta feira ne’e funsionariu kada departamentu sira no mos Sosiedade sivil sira hotu ne’ebe mak ezizte iha Covalima ohin sai halo limpeza hotu, Nune’e bele prevene moras dengue,”Administrador Munisipiu Covalima Fransisco de Andrade informa (21/01).
Administrador Munisipiu Covalima husu ba Autoridade lokal sira atu organiza Komunidade hodi limpeza no hamos be ne’ebé nalihun.
“Fatin ne’ebé mak identifikadu mak Tilomar Salele no Postu Zumalai no Suco Beco ne’e Be nalihun barak entaun susuk mos barak, tanba ne’e husu Autoridade lokal sira atu organiza Komunidade halo limpeza ba fatin ne’ebe mak hanesan saluran no nakonu duut iha laran,” Administrador hakotu.
Entretantu Atividade Limpeza ne’e realiza ohin neebe lidera husi Administrador Covalima Francisco de Andrade.
Jornalista : Tynho Gusmão
Editór : Chamot Nahac
