Covalima (RCCT) 06-07-21 Relasiona ho moras Covi-19 variante Delta nebe perigu Liu variante sira seluk, nebe ba dadaun ne’e afeta ona ba Nasaun Vijinho Indonesia, Administrador Municipio Covalima (AMC) Fransico de Andrade hateten, Covalima hanesan odomatan bo’ot, tan ne’e iha ona Planu atu halo sosializasaun ba Komunidade Sira iha Posto Administrativu 3 nebe lokaliza iha Linha Fronteira, atu nune Prevene moras Covid-19 Variante Delta la bele Tama Timor.
” Ita hotu akonpanha iha Televisaun katak moras Variante Delta ne mosu perigu tebes, Agora dadauk iha ona Indonesia, Tamba ne agora dadaun iha ona Planu, horiseik Hau konfirma ona ho Saude tempo badak atu halo sosializasaun ba Posto Fronteira ho Indonesia hanesan Fatumea, Fatululik, Tilomar, atu nune oinsa maka bele prevene moras ne labele Tama” Dehan Administrador Municipio iha nia kna’ar fatin Edifisio Administrasaun Municipio
Administrador Francisco de Andrade informa, Movimentu transporte nebe tula sasan tama mai Timor Leste liu husi Fronteira Salele, sei hapara maibe sei hare ba situasaun, tanba ida ne’e konsidera bele impaktu ba Ekonomia Povu sira.
“Atu hapara kareta sira lori sasan husi atambua indonesia tama mai Timor Leste, Ita sei hare ba situasaun, Tanba se kuando ita hapara agora ninia impaktu b’oot ba ita nia Povu, nebe ita sei hare ba situasaun, se situasaun iha Fronteira ne’e makas Liu entaun Ita sei taka “ Francisco de Andrade hatutan.
Administrador Municipio Covalima Covalima mos garantia Seguransa iha Linha Fronteira La’o di’ak, no nia enkoraja Komunidade Sira iha Covalima liu Komunidade iha Posto nebe besik ba Fronteira, atu nafatin kumpri regras EE atu labele halo movimento ilegal atu nune’e prevene moras Covid-19 Variante Delta labele Tama mai Timor Leste.
Jornalista : Tynho Gusmao
Editor : Chamot Nahac
