Presu Bensin Sa’e,Prezudika Rendimentu Motorista “Ojek” Sustenta Familia

Covalima (RCCT) 03-05-22, Relasiona ho folin gajoliña ne’ebé sa’e, Laurentino Amaral hanesan motorista (ojek) preokupa ho rendimentu kada loron tanba uja lato’o hodi nesesita moris loron loron iha familia.

Motorista (Ojek) Laurentino Amaral, hatete kada loron hetan deit rendimentu $ 11.00, kompara ho fali ho folin sasan nesesidade baziku sa’e iha merkadu, mak osan neebe hetan lato’o atu uja ba nesesidade uma laran ninian.

“Agora ne’ebé osan ne’ebé ami hetan husi atividade ojek ne’e ami uza ba ne’ebé, ami hetan ne’e uza ba nesesidade Loron Loron lá to’o tamba saida folin ida agora bo’ot liu rendementu ne’ebé mak ami hetan tamba ami ojek ne’e loron ida ami hetan deit dolar Sanulu resin ida ($11.00 ) sedangkan sasan ka aihan folin exemplu hanesan fos saku Ida $14.50, mina masa Ida bele to’o dollar Sanulu to’o dollar Sanulu Resin lima ($10.00-15.00) entaun Ida ne’e ha’u senti araka tebes ba ami” Dehan motorista Laurentino Amaral

Nia hatutan antes Gajoliña folin sedauk sa’e, rendimentu ne’ebé sira hetan ne’e naton ba sira atu uja ba nesesidade uma laran, maibe depois de Gajoliña folin sa’e rendementu ne’ebé sira hetan mihis liu no lato’o ona hodi sustenta sira nia familia nia moris loro loron.

“Uluk ne’e mina folin áqua bot nee nakonu satu dolar quarter $1.25)deit maibe agora aqua bot ne’e nakonu Dua dolar lima puluh sen ($2.50), tanba ne’e konaba folin ojek iha villa laran Ami La’o kontinua ho estandar tuir Nia distância maibe La’o dook ami aumenta folin lima pulu sen to satu Dolar ($0.50-$1.00) tamba la’o dook ne’e estraga mina barak kestaun ho estrada at no seluk tan, maske ami hasa’e folin maibe ami hetan rendementu ne’e nafatin mihis tamba loron ida ami hetan $11.00, ami sei ko’a tan Mina nian dolar hat entaun ami lori deit Dollar hat ($4.00) mak fila ba uma” Laurentino esplika

Entretanto Laurentino Amaral husu ba Governu atu buka solusaun hodi nune’e folin Gajoliña bele la’o normal fila fali.

Reportazen : Jhana Cardoso

Editor          : Chamot Nahac