Pradet Covalima Regista Kazu Hamutuk 26- Kazu Violensia Domestika Numeru Ass liu

Covalima (RCCT) 25-08-21 Husi Fulan Abril to’o Fulan Agostu Tinan ne’e, Pradet Fatin Hakmatek Suai regista kazu hamutuk 26, ho tipu abandona, Violénsia Doméstika, Violénsia Sexsuál no Violénsia Físiku, nsst.

Kordenadora Pradet Fatin Hakmatek Suai Imelda Imaculada Morreira Informa Kazu hirak ne’ebe regista prosessa ona ba Ministériu Públiku.

” Husi Fulan Abril to’o Agostu Pradet Fatin Hakmatek Suai regista ona kazu 26, husi Kazu 26 ne’e ho tipu abandona iha ha’at (4), Violénsia Doméstika Formal iha rua (2), Violénsia Doméstika los deit iha Sanulu (10), Violénsia Doméstika ho Violénsia Sexsual ne’e iha Ida (1), Violensia Físiku maibe la’os violénsia doméstika ne’e iha rua (2), Violénsia Sexsuál la’os Violénsia Doméstika ne’e nain ne’en (6), ikus liu Violénsia Físiku maibe la’os Violénsia Doméstika ne’e hanesan hetan baku husi kolega ou mestri sira ne’e nain ida (1), no kazu hirak ne’e ami prosessa ona iha Ministériu Públiku ” Imaculada dehan iha nia kna’ar fatin.

Imelda Imaculada Morreira ne’e informa, husi númeru kazu ne’e, Violénsia Doméstika maka númeru ass, nia hateten Violénsia doméstika númeru as tamba komunidade rasik maka la iha konsiénsia.

“ Husi númeru ne’ebe ohin mensiona ne’e kazu violénsia doméstika maka númeru as liu, kazu ne’e númeru ass bebeik tamba ita la iha konsiensia, lakoi fiar malu, lakoi respeita malu, buat hotu-hotu hakarak rezolve ho violensia, tamba ne’e maka númeru kazu violénsia doméstika ne’e sae bebeik ne’e ” Imaculada esplika.

Nune’e Kordenadora Pradet Fatin Hakmatek Suai husu ba komunidade sira iha Municipio Covalima atu moris ho domin no dame nia laran, respeita malu,atu nune’e bele hamenus kazu violénsia doméstika.

Jornalísta : Tynho Gusmão
Editor : Chamot Nahac