Covalima (RCCT) 28-11-21, Diskursu Presidente da Repúblika iha Komemorasaun ba loron Proklamasaun Independénsia ba dala 46 Administrador Postu Administrativu Maukatar Sebastião Guterres Lee sai, Pandemia Covid-19 hanesan loke nia hanoin atu hotu-hotu buka dalan hadi’a lalais Ekonómia hodi hamenus des-iguldade sosial.
” Povu Doben Timor-Leste Pandemia Covid-19 hanesan loke ita nia hanoin atu ita hotu-hotu buka dalan foun ba oin maka ita hadi’a lalais ita nia Ekonómia hodi hamenus des-iguldade sosial entre ita nia ema no oinsa hotu-hotu feto ka Mane asessu Edkusaun, Saúde, oportunidade Servisu oioin, no moris bele uma di’ak, be no eletrisidade, oinsa trata Seguransa alimentar ba Povu tomak no hasa’e produsaun lokal no kualidade atu Timor Leste bele kompete ba susessu iba Merkadu internasional no oinsa bele hala’o Dezenvolvimentu ida ne’ebe protege mos meiu ambiente ba aban bainrua” Temi Administrador Postu Maukatar Sebastião Guterres bainhira lee diskursu Presidente da Repúblika.
IIha Prezidente Republika nia Deskursu mos temi Dezenvolvimentu hirak ne’ebe lao ona sai matadalan ba Públiku ne’ebe hakerek iha Artigu 6 iha Konstituisaun RDTL.
” Buat hirak ne’e hotu maka sai hanesan matadalan Públiku ne’ebe hakerek ona iha Artigu 6 iha Konstituisaun RDTL” APA Sebastião kontinua dehan iha diskursu Presidente da Repúblika.
Entretantu iha Diskursu Prezidente da Repúblika ne’e apela espesial ba Kombatente, Sobrevivente sira atu sai modelu di’ak ba kompatriota hotu-hotu iha dever atu hato’o kompatriota sira seluk valores no prinsipiu ne’ebe kaer metin ita nia Unidade Nasional lori ita ba Vitoria iha referendu 1999.
Jornalísta : Tynho Gusmão
Editor : Chamot Nahac
