Covalima (RCCT) 16-11-21, Prezidente Konsellu Veteranus Munisipiu Covalima Alvaro do Nascimento “Sesurai” hakotu is iha Hspital Nasional Guido Valadares (HNGV) Dili Tersa-Feira (16/11) ohin mais tuku 9:00 dader Otl.
Jornalísta RCCT seidauk asessu informasaun konaba kronolojia Prezidente Konsellu Veteranus Munisipiu Covalima Albaro do Nascimento “Sesurai” nia mate, tanba mate iha HNGV Dili.
Administrador Munisipiu Covalima Francisco de Andrade sente triste tanba lakon aman veteranus di’ak ida iha Covalima, ho nune’e hein evakuasaun mate isin mai iha Munisipiu Covalima.
” ita nia aman “Sesurai” ema ne’ebe maka aman ba Veteranus iha Covalima, ne’ebe maka lidera funu iha tempu naruk, tanba ne’e hau hanesan Administrador Munisipiu hamutuk ho Povu sira hein nia mate isin lori mai iha Covalima hodi fo Presta homenazem tanba ne’e maka agora ami prepara hela” Administrador dehan iha Edifisiu Administrasaun Munisipiu nia oin.
Observasaun Radio Comunidade Cova-Taroman (RCCT) iha terrenu hatudu, Veteranus barak maka konsentra ona iha Edifisiu Konsellu Veteranus Munisipiu Covalima, nomos iha matebean nia rezidensia hodi halo preparasaun simu Saudozu mate isin ne’ebé sei lori mai iha Munisipiu Covalima.
Iha fatin seluk Jornalísta atu halo intervista ho Sekretariu Konsellu Veteranus Munisipiu Covalima Ozorio Soares “Mau Soko” maibe ohin nia parte seidauk bele fo informasaun tanba nia hanoin lakon hafoin rona informasaun Veteranus “Sesurai” hakotu is.
Jornalísta : Tynho Gusmão
Editor : Chamot Nahac
