Posto Administrativo Zumalai Sei Dauk Foti Orsamentu ba Programa Mão de Obra iha Banku

Covalima ( RCCT ) 11-10-21, Ministerio Administrasaun Estatal (MAE) koloka Orsamentu rihun lima nulu ( $ 50.000 ) ba kada Posto iha Munisipio Covalima hodi Implementa Programa Mão de Obra .

Administrador Munisipio Covalima Francisco de Andrade hateten MAE koloka Orsamentu Rihun Lima Nulu ( $ 50.000 ) ba kada Posto maibe Posto Administrativo Zumalai sei dauk Foti Orsamentu ba programa Mão de Obra tanba relasiona ho transferensia Poder Finansas tuan ba Finansas Foun.

Orsamentu Rihun Lima Nulu ( $ 50.000 ) ba Mão de Obra faze daruak nian uniku husi Posto Administrativo Zumalai mak Seidauk foti sira nia osan iha Banco tanba relasiona ho transferensia kargu finansas tuan fo ba finansas foun. maibe ba orsamentu Mão de Obra ne’e Posto ne’en ( 6 ) seluk husi Posto Zumalai agora dadaun implementa ona iha sira nia Posto ida idak ” dehan Adm Munispio Covalima Francisco de Andrade.

Tuir Administrador Munisipio foin lalais Administrador Postu Zumalai dirizi ona Karta pedidu nia meza hodi halo aseitasaun no karta refere sei hodi ba Banco nune’e hodi bele foti osan ba Programa Mão de Obra ba faze segundu nian ho montante rihun lima nulu ( $ 50.000 iha Banco.

Foin lalais Administrador Posto ho nia estrutura husi Posto dirizi ona karta mai iha ha’u nia meza hodi halo aseitasaun ida nune’e hodi karta ne’e ba fali Banco hodi Foti osan rihun Lima Nulu ne’e hdoi inplemnta maun de obra ba faze segundu nia iha sira nia Posto hodi halo zardin iha areadores Posto Zumalai nian ” Tenik Adm Munispio Covalima Francisco de Andrade.

Entretantu relasiona ho orsamentu ba Programa Mão de Obra nebe mak implementa ona iha kada Postu Administrativo sira ne’e, Administrador Munisipio Covalima Francisco de Andrade husu ba Administrador Posto no membro ka Funsionario sira atu Jere didi’ak orsamentu hirak ne’e atu nune’e la bele hetan failansu iha loron ikus.

Jornalista : Saturnino Soares

Editor       : Chamot Nahac