Populasaun 287 ho uma kain 70 iha Lorokida La Asesu di’ak ba Dezenvolvimentu Infrastrutura

Letratu: Xefe Suku Fohorem, Fernando Ferreira/Foto RCCT/Chamot Nahac

Covalima (RCCT)-08-05-22–Pupulasaun uma kain hitu nuluh (70) iha Aldeia Lorokida Suku Fohorem Vila,Postu Administrativu (PA) Fohorem seidauk asesu di’ak ba Dezenvolvimentu infranstrura hanesan Estrada, Eletrisidade no Be Mos. husi numeru uma kain 70 ne’e Xefe Familia ne’ebé lidera husi feto hamotuk Sia (9) no Xefe Familia Mane hamotuk neen nuluh resin ida (61).

Iha Aldeia Lorokida hamotuk Abitante ema na’in 287 ne’ebé kompostu husi mane 151 Feto 136, komunidade Lorokida atu hetan ba asesu publiku Henesan Ospital, Merkadu no seluk tan, tenki la’o ain hakletek fatuk iha mota laran Kuaze Kilometru sia (9) resin foin to’o iha Suku Fohorem Vila.

Iha Suku Fohorem Vila, iha Aldeia lima, so aldeia lorokida mak seidauk asesu di’ak ba Eletrisidade, Be Mos inklui eletrisidade, Distansia Aldeia Lorokida ho Vila Kuaze Kilo Metru Sia, iha ne’eba iha tempo bailoro be la sufisiente ba sira, hahu fulan Agustu be komesa menus ona, to’o fulan Setembru ne’e be maran ona” Dehan Xefe Suku Fohorem Vila, Fernando Ferreira ba RCCT iha Nia Servisu Fatin,Sexta Feira (06/05).

Xefe Suku Fohorem Vila, Fernando Ferreira Lekar ba RCCT, Aldeia 4 iha Suku Fohorem Vila, hanesan Aldeia Fatuk Laran, Lo’o Hali, Fatu Bitik Laran, Sadahur, Mak Asesu ona ba Eletrisidade no Be Mos, maibe nafatin infrenta menus be iha tempo bailoro.

Lolos ne’e iha Suku Fohorem iha Vila ne’e be lasusar, so deit be ne’e mai, mas tempo bailoro mak Be la sufisiente, tanba kotu ida dalan dalan.” Tenik Fernando Ferreira ba RCCT.

Engkuantu Suku Fohorem Vila Kompostu Husi Aldeia 5 hanesan; Aldeia Fatuk Laran, Lo’o Hali, Fatu Bitik Laran, Sadahur no Aldeia Lorokida, dadus Monografia ne’ebé RCCT Asesu, luan area 48M2, Xefe Familia Hamotuk Uma kain 410, ne’ebé haketak ba Xefe familia ne’ebé lidera husi feto hamotuk uma kain 75 no Xefe Familia Mane hamotuk uma kain 335, Total Populasaun hamotuk ema na’in 1,532 kompostu husi Mane ema na’in 807, Feto ema na’in 725.

Jornalista : RCCT

Editor      : Chamot Nahac