Covalima (RCCT) 05-09-21, Polisian Nasional Timor Leste (PNTL) Liu Husi Uninadade Patrullamentu Fronteira Kaptura ona horsehik (04-09) tuku 5:30 otl Sidadaun ho inisial FL/SJ nebe hatama Kilat ho tipo ka marka AESE 92 iha Sexta Feira (03-09).
Tuir Informasaun nebe RCCT Asessu husi Fontes nebe Lakohi temi sai nia Naran Informa depois Polisia UPF Postu Foho Lulik Kaptura Autor SJ/FL nebe Hatama Kilat ho tipo AESE 92 ne’e iha ninia rezidensia iha Aldeia Foho Lulik, Suco Beiseuk, Postu Administrativu Tilomar, Polisia UPF Postu Foho Lulik Intrega kedas ba Komando Polisia Covalima hafoin Foti Dadus husi Autor JF/FL.
“Autor ne’e Kaptura hosehik loro kraik Tuku 5 liu menutu 30 OTL iha ninia uma rasik, depois foti dadus husi mak Tula Kedas nia hodi ba intrega Iha Polisia Investigasaun iha Komando Polisia Covalima no intrega ba Servisu Saude para hodi Submete ba Kuarentena depois mak sumbete ba Investigasaun hodi Prosesa tuir lei” Esplika Fontes ne’e.
Lee Notisia Relevante: https://www.rcct.tl/veteranu-mameran-hetan-kilat-ida-marka-aese-92-iha-komunidade-nia-toos-iha-foho-lulik/
Nune’e mos Nia dehan, halo Autor Prosesu Traksaun ba kilat ne’e FL ho faan nain iha Zona Livre area Mota Inuk Beco (Mota Masin Foho) nebe partese ba Foho Lulik-Covalima Timor Leste no Alas Ai-Lala Indonesia iha dia 2 de Setembru 2021 no SJ/FL hodi tama Mai Foho Lulik Timor Leste iha Sexta (03-09).
“Jam 12 meiudia iha dia 2 ne’e sira halo kontratu kilat ne’e, Maibe Autor ne’e seidauk lori tama mai tanba nia ba la lori osan, Entaun iha Sexta ne’e mak nia ba foti lori tama no rai iha nia to’os” Tenik Fontes ne’e.
Engkuantu Tuir Informasaun nebe RCCT Asesu iha Prosesu Kapturasaun, Autor FL/SJ Kopera di’ak ho Parte UPF Postu Foho Lulik no Prontu atu halo Prosesa ba nia Tuir Lei Nebe Vigora.
Kobertura : RCCT
Editor : Chamot Nahac
