Polisia Femenina Na’in 40 Tuir Formasaun Konaba Servisu Espesifiku Iha Covalima

Covalima(RCCT)04-08-22–Polisia Nasional Timor Leste (PNTL) liu husi Komandu Xefe Polisia Femenina Komandu Geral fo formasaun ba Polisia Femenina na’in hat nulu (40) iha Covalima, ne’ebé kompostu husi Polisia Femenina husi Munisipiu Ainaro, Bobonaro, Manufahi inklui Covalima.

Ba Jornalista sira Komandante Polisia Nasional Timor Leste (PNTL) iha Covalima Super intendente Polisia Basilio de Jesus hateten, formasaun ne’e atu hasa’e kapasidade Polisia Femenina nian liliu konaba servisu espesifiku sira.

Tuir programa dezemvolvimentu Polisia Femenina liu liu planu asaun annual tanba Polisia femenina mos hola parte iha programa ida hodi atinje sira nia meta, tanba ne’e formasaun ida ne’e atu hasa’e kapasidade liu liu Polisia femenina ninia atuasaun no atendementu servisu liu-liu ba servisu espesifiku ne’ebé mak sira atende atu hasa’e kualidade no kapasidade oinsa halo atendementu ne’ebé dignu” Komandante PNTL Covalima, Super Intendente Polisia Basilio de Jesus, hato’o lia ne’e iha salaun kobek Covalima, Kinta Feira ne’e (04/08).

Igualdade Jeneru la separa entre Polisia Femenina no mos Polisia Mane, maibe sira hotu hotu nia funsaun hanesan atu alkansa, tanba ne’e komandante polisia femenina, Xefe Jeneru halo planu hodi fo formasaun oinsa atu hasa’e kulalidade no kapasidade sai servidor ne’ebé di’ak.

Ita hotu hatene katak Polisia femenina ne’e parte ida husi Polisia Nasional Timor Leste (PNTL) tanba ne’e ita ko’alia konaba igualidade Jeneru ita la separa entre polisia femenina no Polisia Mane sira, mais kuaze ami hotu hotu nia funsaun hanesan, maibe atu alkansa no dezempeña funsaun polisia propriu Komandante Polisia Femenina Xefe Jeneru nian nia sempre halo planu anual oinsa atu hasa’e kapasidade liu husi meius de formasaun atu nune’e sai servidor ne’ebé di’ak iha futuru, hanesan esperansa ida ba intituisaun, povu atu nune’e sai Polisia ida ne’ebé ke mais professional iha nia atendementu” Nia Hatutan

Entretantu Polisia Femenina ne’ebé partisipa iha formasaun ne’e hamutuk na’in 40 ne’ebé mai husi Munisipiu Ainaro, ema na’in 10, Bobonaro ema na’in 10, Manufahi na’in 10 inklui Covalima ema na’in 10 no atividade formasaun ne’e realiza durante loron 2, hahu Kinta Feira ohin (04/08) no sei remata iha Sexta Feira (05/08) aban iha salaun kobek, iha ahi narai, Debos, Suai, Covalima.

Jornalista : Jhana Cardoso

Editor      : Chamot Nahac