Covalima (RCCT) 18-12-21, Hafoin akontese deszintendementu entre Membru Polisia Nasional Timor Leste (PNTL) Iha Covalima, Suco Ogues, iha area ne’ebé partense ba Aldeia Baulela no Fohorua, Sexta Feira horsehik (17/12), liu husi video ne’ebé sai viral iha Sosial Media (Facebook no Whats app), halo ema hotu preokupa ho aktu ne’ebé Membru PNTL Iniasia “A” ne’e halo ho Komunidade sira.
Liu husi Publikasuan Video badak Iha Sosial Media WhatsApp ho durasaun 00:30 segundu (detik), iha Facebook ho durasaun 00:26 Segundu (detik) ne’e, Nitizen sira ida idak interpreta hodi kondena hahalok ne’ebé Membru PNTL nian ne’e, Nune’e mos Nitizen balu intrepreta hahalok no Asaun husi Inan Feton ne’ebé hatais faru no kalsa ho kor mean nurak.
Tuir lolos Feto ida hatais Ropa Mean, Naran Julieta Amaral ne’e, atu salva ninia Apa Naran, Fernando da Cruz, ne’ebe molok Komunidade sira halo Video ne’ebe viral ne’e, Fernando Hetan ona Baku husi Membru ka Ajenti Polisia ne’e.
Hare iha Video Badak ne’e, hatudu Ajenti Polisia “A” ho Fardadu Kompletu, dudu malu ho inan feton hatais ropa mean (Julieta Amaral), no Membru Polisia ne’e hisik liman maka’as kona (Nia Aman) Katuas ida kabala lipa makerek mean no hatais faru sakat kor kinur malahuk, tara kakaluk iha nia kabas, to’o monu ba rai.
Rona Feto ida nia lian iha Video ne’e no ema barak hakilar “Polisia ne’e baku fali nia Aman” Balun hakilar “O Viral..!”.
Iha Video ne’ebé Viral ho duransaun Segundu “ Detik” 00:30 ne’e, hahu iha Segundu 00:00 Ajente Polisia ne’e haktak ba dudu malu ho Feto Hatais Ropa mean nurak, Detik 00:03 Polisia “A” dudu malu feto ne’e no Liman Kona maka’as Nia aman ne’ebé hatais Faru sakat, kabala Lipa kor mean Rezulta Aman ne’e Tidik Kidun ba rai, Iha detik ka Segundu 00:05 Ajente Polisia “A” Basa Sa’e kona feto Hatais Ropa Mean nurak nia Oin halo ema hotu hakilar mak kondena Aktu ne’ebé Ajenti Polisia ne’e hatudu.
Ho aktu sira iha video ne’e hamosu ema barak nia simpatia ba Inan Feton ne’e, hodi interpreta no fo sala ba Ajenti Polisia Iniasial “A” ne’ebé hatais fardadu no uja atributu Polisia unidade trazitu nian.
Maibe…! Se mak los no se mak sala?- Mai ita hotu buka hatene….!!
Konfesa ba Jornalista sira iha Vitima Fernando da Cruz iha rezidensia Suco Ogues Fernando dehan, Bainhira Membru Polisia ne’e fila husi servisu ho kondisaun lanu, depois to’o iha Suco Ogues Membro Polisia ne’e ho fardadu kompletu hodi ameasa Povu ho kilat no baku Ferik ho katuas ida, depois problema ne’e hotu membru Polisia “A” ne’e fila ba nia uma”Dirasaun Fatulu, Suco Ogues” iha dalan hasoru labarik na’in tolu sa’e motor la uja kapasete, ho ida ne’e membru polisia “A” ne’e hapara sira na’in tolu ne’ebe sa’e motor la uja kapasete ne’e hodi fo sansaun hanesan bomba rai hafoin moral sira.
“Ami hare Membru Polisia “A” haka’as labarik, baku no halo sira bomba rai ne’e, maibe ami hare husi dok deit maizumenus distansia metru 100 resin, hafoin membru Polisia ho naran inisial “A” ne’e duni komunidade sira inklui ha’u, tanba ne’e ami fila maibe sira na’in hira ne’e halai ba sira nia uma, ha’u la halai tanba ha’u la halo sala ruma hasoru membru polisia “A” ne’e depois membru polisia ne’e mai to’o iha ha’u nia oin hodi dudu ha’u dehan “o la puas ka, o la puas ka,” depois ha’u dehan ba Membru Polisia ne’e, “O ba hare o nia servisu”, ho ida ne’e mak membru Polisia ne’e nervosu hodi baku ha’u dala rua ka tolu, ha’u sente moras , maibe ha’u hare membru Polisia “A” ne’e ho kondisaun lanu hela, depois nia atu mai baku tan ha’u maibe maun ida ho naran Grasi mak salva ha’u husi Membru Polisia ne’e maibe membru Polisia ne’e nafatin obriga an atu mai baku tan ha’u iha ha’u nia uma” Fernandu Konta
Senti moras labele ona, Fernandu tenta atu halai ses hodi salva nian an no tenta atu konktu ba Komandu Polisia Covalima maibe Ajenti ne’e la fo biban hodi baku tun no sama vitima nia telefoni.
“Depois ha’u senti labele ho nia baku ha’u primeiru ne’e, tanba ha’u senti moras ona, mak ha’u halai ba Estrada laran, ha’u hasai telefoni atu telfoni depois membru Polisia ne’e baku ha’u nia liman hodi ha’u nia telefone monu tun ba rai hodi nia Sama tan ha’u nia telfeone ne’e halo at, depois nia atu baku tan ha’u.” Tenik Fernando
Ho akontesemetu ne’e, Ajenti Polisia inisial “A” nia aman tenta atu Salva Vitima Fernando maibe Ajenti ne’e siku maka’as ho liman hodi Rezulta Katuas monu tun ba rai.
“Membru Polisia ne’e nia aman mai atu salva ha’u maibe nia dudu nia aman rasik halo monu hotu ba rai, derepente membru Polisia seluk Inisial “M” mai atu hakalma nia, maibe membru polisia “A” lanu, baku ha’u ne’e la fiar nafatin ba membru “M” ne’ebe mak atu hakalma ne’e, depois membru polisia “A” lanu ne’e kaer bebeik kilat ( pistola ) ho ida ne’e mak membru polisia”M” ne’e hadau kilat ( Pistola ) husi membru Polisia “A” lanu ne’e, hadau kilat hotu mos mai atu baku tan ha’u nafatin, ho ida ne’e ha’u nia oan feto la puas hodi salva ha’u no dehan ba membru polisia ne’e “ita baku ha’u nia aman ne’e sala saida” ho ida ne’e mak nia dehan ba ha’u nia oan feto katak “ha’u nia ferik aon deit ha’u sei baku nusa o ha’u la baku” ho ida ne’e nia dudu ha’u nia oan feto halo monu ba rai.” Katak Vitima Fernando iha nia rezidensia Suco Ogues Sabado (18/12)
Iha tempu hanesan Vitima Juleita Amaral, Oan husi Fernando da Cruz mos kontak kronolojia tuir ninia versaun dehan, atu salva nia aman mak Ajenti polisia ne’e baku hasoru nia.
“ Nia atu baku ha’u nia Apa mak, ha’u ba salva, no monu ne’e ha’u la sente ona, ha’u hare video mak ha’u mos hakfodak fali, ne’ebé ami hato’o kedas ba komandu polisia Munisipiu ,depois ha’u nia apa la’os milisia, ne’e mak baku tuir nia hakarak, katuas ida ne’e ita nurak uza farda ne’e mak komprende nia kondisaun,o ida uza farda agora hodi goja ne’e, hodi se no ha’u nia apa sala ida?,” Katak Julienta
Enkuantu Vitima nia oan feto Julieta Amaral hateten “ami respeitu ba farda no ami la kontra polisia, Maibe Ajenti polisia ne’e ho kondisaun lanu baku no ha’u feto. Se imi mak mai ha’u nia pozisaun ne’e oinsa? depois nia dehan ba ami, ha’u nia ferik oan mos ha’u baku” Tenik Julienta
Iha Sorin seluk tuir Fontes ne’ebé rejeta temi nia Naran iha Notisia ne’e, haktuir Sabado (18/12) via telefone, membru Polisia ho naran inisial “A” Fardadu kompletu Ajenti hanesan Polisia Unidade Tranzitu, foin fila husi servisu ba nia uma iha Fatulor Suco Ogues, iha dalan hasoru Juven nai’n tolu tatuk “Sa’e” motor bebeik ida, la uza kapasete, hare ida ne’e Ajenti Polisia Tranzitu ne’e hapara sira na’in tolu hodi fo sansaun, haruka sira na’in tolu Bomba Rai, hafoin fo moral ka hanorin Juven sira ne’e.
“Polisia inisial “A” ne’e fila loraik ne’e, tula ho nia Apa, to’o iha ne’e “ami nia uma oin” hasoru labarik sira na’in 3 sa’e motor tatuk deit, lataka helem, pois polisia ne’e haruka sira na’in 3 bomba rai, bomba rai hotu haruka hamrik pois nia moral sira na’in ” Fonte ne’e fo sasin ba RCCT.
Wainihira moral hela Juven na’in 3 ne’e depenti rona ema hakilar husi kraik sa’e mai dehan “Polisia la hatene lei, Polisia ne’eba ne’e lahatene lei,” hakilar ho lian maka’as dehan tan “la hatene lei,” rona lia ne’e Ajente Polisia Tranzitu “A” mos hakbesik ba komunidade sira ne’e.
“Hakilar ho lian maka’as dehan O la hatene lei, o hanoin ami beik ten karik, ami iha Ogues ne’e matenek iha,oras liu ona nusa o kastigu ema, entaun Polisia “A” rona sira trata demais los ne’e mak nia mos tun ba, tun ba tan sira, tiu ida mak dehan, “o ne’e se fali” Sira mak sadik sadik los Polisia ne’e sa, sira mak ko’alia at uluk, Polisia “A” la baku ema, sira mak dudu lisuk Polisia “A” ne’e, Dudu Nia “A” ba mai loos, nia la baku nia apa, entaun dudu malu husi ponte ne’eba, entaun polisia Tranzitu ne’e ho komunidade rasta malu iha sentru saude Ogues nia oin” Fonte Subar An ne’e fo sasin.
Sasin Subar ne’e haktuir, Ema barak dehan Polisia baku Feto no Nia Aman to’o monu ba rai, maibe Ajenti Polisia Inisial “A” la baku Nia Aman, Nia liman mak siku makas kona nia aman hodi rezulta monu ba rai.
“Ne’ebe tuir ha’u nia hare no hatene ne’e, Nia la baku ema, Nia dudu ema iha ba mai ne’e atu nia salva nia an, tanba ema dudu nia ne’e feto deit mak dudu nia, depois nia liman kaer kona feto sira nia isin mos sala, atu kaer sala feto nia isin sensitivu mos sala nafatin, sedangkan ida rabat nia ne’e mesak feto deit, nia iha posisi ida ne’ebé araska, katuas ida monu ne’e nia pai, nia dudu nia pai ses. sira haruka feto mak ko’alia barak iha oin mane sira iha kotuk, sira dudu malu deit, mais feto sira mos espertu los ne’e.” Nia hatutan.
To’o Notisia ne’e publika Jornalista sira seidauk hasoru Komandante Munisipiu Covalima hodi hatene konaba Prosesu ba Ajenti Polisia ne’e, tanba Loron Sabado (18/12)
Ekipa Kobertura RCCT
