PNTL Covalima Sei Asegura Feira no Bazar Kalan hodi labele hamosu Vitima tan Interese Jogu

Letratu: Komandante PNTL Covalima, Super Intendente Polisia Basilio de Jesus/Foto RCCT-Chamot Nahac

Covalima (RCCT) 14-05-22–Komando Polisia Nasional Timor Leste (PNTL) Covalima 100% sei asegura Feira no Bazar kalan iha Kampu Ladi ba ambitu Komemorasaun Loron Restaurasaun Independensia Timor Leste ba Dala XX (20-Maiu-2022) ne’ebé halo ona abertura iha Kampu Ladi Kinta Feira (12/05)

Komandante PNTL Covalima Informa ba Jornalista sira iha resintu RCCT Sexta Feira (13/05) dehan, Papel PNTL nian Atu Asegura Feira no Bazar Kalan ne’e atu labele mosu konflitu entre Komunidade sira hodi destroi Feira ne’e no hamosu Vitima tan intrese Jogu nian.

Polisia nia papel maka asegura ema ne’e, sem pursentu laiha ema ida book, ne’e deit, Laiha ema ida ka grupu ida mai atu destroi ita nia night market ida ne’e” Informa Komandante PNTL Covalima, Super Intendente Polisia Basilio de Jesus ba Jornalista sira iha RCCT Sexta Feira (13/05).

Super Intendente Polisia ne’e kontinua informa, Komandu Polisia Covalima preparadu atu asegura Siguransa durante Animasaun no Feira Kalan ne’ebé Komisaun Organizadora realiza iha ambitu Komemorasaun 20 de Maiu to’o atividade Isar da Bandeira.

Liga ho 20 de Maiu, atu anima Povu, Polisia iha Obrigasaun atu aegura eventu ida ne’e, Konforme Planu, sira komesa loke feira ne’e horsehik, Dia 12 ate dia 20, hahu sete oras loro krai ate uma ora, Polisia nia Obrigasaun atu asegura” Tenik Komandante PNTL Covalima, Super Intendente Polisia Basilio de Jesus.

Komandante Polisia Covalima ne’e mos husu ba Jogador sira ne’ebé loke jogu atu kria ambiente no kondisaun dame hodi labele hamosu konflitu ne’ebé rezulta ema seluk sai vitima durante Feira no Bazar Kalan iha Kampu Futebool Ladi.

Ita mos jogador sira, ne’ebé loke jogu iha ne’eba, tenki kondisoens ida, kria ambiente ida ho di’ak, para labele mosu konflitu tanba intrese Jogu, lakon ka manan ne’e buat ida normal, maibe labele kria konflitu ka asaun balu ne’ebé rezulta ema balu sai vitima” Tenik Komandante Basilio.

Enkuantu Komandante Polisia Covalima ne’e mos Fundamenta, PNTL la fo Autorizasaun atu bele loke Jogu maibe ne’e Propriu husi Inspesaun do Jogu iha Nasional, Polisia nia obrigasaun mak asegura deit siguransa wainhira Komisaun Organizadora hetan ona Autorizasaun hodi loke Jogu iha Feira no Bazar Kalan ne’e.

Propriu ba Jogu Bola Guling, Hanesan mos Kuru Kuru sira ne’e, la’os Komandante Munisipiu mak autoriza maibe ne’e sira hato’o ba inspetor da Jogu iha Nasional ne’ebé, karik autoriza ona sira bele loke iha neeba, laiha problema.” katak nia

Entretantu alende halo fo apoiu siguransa ba Komemorasaun 20 de Maiu ba Dala XX iha Covalima, Komando Polisia Covalima mos halo Preparasaun ba peletaun Isar da Bandeira no mos preparasaun ba diriji formatura.

Formatura husi Polisia ne’e kompostu husi, Komponenti Jeral husi Komando Polisia Covalima, Polisia Femenina Peletaun ida, Ofisial Polisia Suku (OPS) Peletaun ida, Sesaun ida mai husi Polisia Batallaun Odem Publika (BOP), Unidade Polisia Maritima (OPM) no Unidade Polisia Flonteira (UPF).

Notisia Relevante : https://www.rcct.tl/komemorasaun-20-de-maiu-pntl-covalima-preparadu-asegura-siguransa-eventu-hotu/

Kobertura : RCCT

Editor : Chamot Nahac