PNDS halo sosializasaun mata dalan implementasaun ba uma kbi’it laek iha Municipio Covalima

Covalima (RCCT)1 9-01-21, Programa Nasional Dezenvolviementu Suco(PNDS) halo Sosializasaun konaba Mata Dalan Implementasaun Uma Kbi’it Laek ba Xefe do Suco tolu nulu ne’ebe maka lokaliza iha munisipio Covalima.

Tuir reprezentante diretur PNDS Nasional Bartolomeu Dias Tino hateten sosializasau ne’e ba iha konselhu do suco sira no ba iha Administrador Postu sira kona ba mata dalan implementasaun ba uma kbi’it laek sira nebe iha suco tolu nulu nia laran nebe maka lokaliza iha Municipio Covalima.

Objetivo husi sosializasun ne’e ba iha konselhu suco sira no Administrador Administrativo Postu sira konaba mata dalan implementasaun ba uma kbi’it laek no sosializa ne’e ba iha parte relevante sira liu liu ba iha ita nia nai ulun sira iha Municipio Covalima atu nune’e ita nia xefe suco sira bele pasa fali informasaun ba iha komunidade sira” Bartolomeu Dias Tino informa.

Tuir planu PNDS Nasional tinan ida ne’e sei hari uma Kbi’it laek ba komunidade sira no kada Suco sei hari uma tolu no uma tolu ne’e sei kompleta ho fasilidade uma laran tuir alvu nebe maka iha.

Planu PNDS ba tinan ida ne’e sei hari uma kain tolu kada aldeia iha suco tolu nulu nia laran no sei tau periodade liu ba iha kada aldeia no sei kompleta kedas ho fasilidade uma laran nian ho medida uma iha tipu rua mak hanesan 4×8 ho 3×7 nomos inklui kedas ho haris fatin no implementasaun ne’e sei lao tuir orsamentu ne’ebe maka iha tanba depende mos jestaun hosi orsamentu” Tenik Bartolameu

Engkuantu tuir informasaun nebe RCCT hetan iha terenu katak iha sosializasaun ne’e hetan partisipasaun husi komandante poliisia Municipio Covalima, Adminitrador Municpio Covalima, Adminstrador Postu Hitu no Xefe Suco 30 nebe Lokazila iha Muniicpio Covalima.

Jurnalista : Lito de Jesus

Editor : Chamot Nahac