Covalima (RCCT ) 22-04-22, VII Governu Konstitusional Timor Leste Liu husi Planu Nasional Dezenvolvementu Suku (PNDS) gansta osan hamotuk doralla amerikanu $ 638.280 hodi hari uma ba komunidade kbit laek iha Covalima hamotuk uma kain 90 neebe tarjetu ba Suku 30 nebe lokaliza iha Covalima.
Kontabilista Programa Nasional Desenvolvimentu Suku ( PNDS) Munisipio Covalima Manuel Noronha informa ba RCCT, husii Osamentu geral Estadu por volta Milaun ida rihun atus hat sia nulu resin ida ($1. 491.000) ne’ebé aloka hodi halo konstrusaun UKL 90 iha Covalima.
“Konaba konstrusaun UKL iha Munisipiu Covalima ne’ebé hetan husi Osamento Geral Estadu por volta $1. 491.000, ne’ebé mak atu halo projetu konstrusaun Uma Kbi’it Laek (UKL) ba iha Suku tolu nulu(30) ne’ebé mak ho total Uma kain Sia nulu (90), dadaun ne’e gastus ona osan $ 638.280 no Nia pursentu quaze tama ona iha pursentu 43” Manuel Noronha Esplika ba Jornalista sira iha nia knar fatin (21/04)
Nia hatutan ba projetu UKL ne’e kada konstrusaun uma ida hetan aloka osan hamotuk $17.0000.
” Konstrusaun uma kbi’in Laek (UKL) ne’e kada konstrusaun uma ida aloka osan ho montante $17.000, uma ne’ebé mak agora halo konstrusaun hela balu gasta tama ona ba $14.000 no balu remata ona” Nia haktenik
Manuel esplika tan ba uma ne’ebé remata ona kontrusaun ho osan la to’o $17.000, mak osan restu sei utiliza hodi sosa movilariu ka asesiria uma nian.
” Kada konstrusaun uma ida Mak $17.000
karik konstrusaun ne’e remata iha Quatorze Mill Ka Quinze Mill Querdizer Osan Sira ne’e labele ezekuta ona entaun iha oportunidade ne’e Osan restu sira ne’e uza mobilitas ruma ka asesoris ruma hodi kompleta atu nune’e bele tau iha Uma ne’e. Hanesan mexa ,kadeira ,toba fatin,armário no seluk Tan” Tenik Manuel Noronha
Reportagen: Jhana Cardoso
Editor : Chamot Nahac
