PM Taur Matan Ruak-La iha Kartaun Vasina- la bele Asesu ba Banku

Covalima ( RCCT ) 28-10-21, Primeiro Ministru (PM) Jose Maria de Vasconselhos (Taur Matan Ruak) ko’alia iha nia diskusrsu ba Lansamentu Perfurasaun Mina Rai Maran Fetok K’maus iha Municipio Covalima iha Aeroportu Internasiona Komandante Em Xefe das Falintil Jose Alexandre Kay Rala Xanana Gusmao iha loron Kuarta Feira (27 /10) Taur Matan Ruak dehan Fulan Setembro foin lalais membro Governu tun direita ba Municipio hotu hodi hala’o kanpanha Vasinasaun ba komunidade sira.

Tanba ne’e Primeiru Ministro apela ba komunidade sira iha teritorio Timor Leste tenke Simu vasina liu liu ba  Funsionario,veteranus, Martires, Terseira idade, no Bolsa da mae sira atu hola parte hodi simu Vasina, tanba la iha kartaun Vasina mak sei la simu salario.

“Karik Nia funsionario nia atu simu nia salario tenke iha Kartaun Vasinasaun, karik nia Veteranu nia tenke iha karta Vasinasaun, karik nia Terseira Idade nia tenke iha Kartaun Vasinasaun, no mos bolsa da mae nia tenke iha kartaun vasinasaun hodi asesu ba banco,se la iha nia la bele asesu ba banco hodi simu osan, tamba Governu hakarak nia emar sira atu moris, kuandu nia atu la bele prezudika nia a’an no nia prezudika nia familia no komunidade sira. katak PM Taur Matan Ruak.

Iha Nia deskursu PM Taur Matan Ruak dehan membro Governu sira tun ona ba Municipio hotu hodi halo Kampaya Vasinasaun kontra Covid-19 iha Fulan Setembro liu ba.

“ Iha Fulan Setenbro Membro Governu Tomak inklui Ha’u rasik tun ba iha Municipio sira atu ajuda Autoridade Municipio sira halo kampanya kona ba Vasinasaun ho Objetivu atu hasai duvidas sira nebe mak komunidade sira iha nebe la kohii simu vasinasaun, maibe iha momentu membro Governu sira halo kampanha iha komunidade nia le’et komundade barak mak simu vasina tanba sira kompriende saida mak ita nia membro Governu sira esplika ba sira, maibe ba ema hirak nebe mak sei dauk simu vasina sira bele ba iha Posto Saude hodi simu Vasina ” Dehan PM Taur Matan Ruak.

Entretantu Lia hirak ne’e ha’to’o husi Primeiro Ministro Jose Maria de Vasconselhos ( Taur Matan Ruak ) iha nia diskursu iha Aeroportu Internasiona Komandante Em Xefe das Falintil Jose Alexandre Kay Rala Xanana Gusmao iha seremonia Perfurasaun Mina Rai Maran Fetok K’maus Iha Covalima, Kuarta Feira (27/10)

Jornalista : Saturnino Soares
Editor       : Chamot Nahac