Covalima (RCCT) 28-10-21, Lansamentu Perfurasaun Mina Rai Maran Posu Feto K’maus iha Covalima Primeiro Ministro Taur Matan Ruak, Kongratula Municpio Covalima Liu husi Servisu Saude Municipio Covalima Hamotuk ho Ministerio Saude hodi esforsu ba Kampanya Vasina Kontra Covid-19 nebe hatudu rezultadu Covalima hetan segundu lugar iha Teritoria Nasiona.
Primeiro Ministro Jose Maria de Vasconcelhos ( Taur Matan Ruak ) hato’o parabens ba Komunidade sira iha Municipio Covalima tanba hetan Segundu Lugar ba prosesu kampanya vasinasaun iha Timor Leste.
“Ha’u lori VIII Governo konstituisional nia naran fo provilezio ba Komunidade Municipio Covalima ba prosesu kampanya Vasinasaun, Covalima kopera di’ak ho governu hodi hetan vasinasaun nebe di’ak hodi hetan segundu lugar iha Timor Leste” dehan PM Taur Matan Ruak iha Airportu Internasional Kay Rala Xanana Gusmao (27/10) wainhira halo deskursu ba Lansamentu perfurasaun Mina iha Suai
Primeiru Ministro klarifika kona ba Numeru Vaisina Teritori Nasional; Covalima Primeira doze iha 87 % no segundo doze iha 55.5% tuir Municipio Viqueque, depois mak RAEOA- Oecusse no ultimu lugar mak Municipio Ainaro.
“Municipio Covalima, ema nebe simu vasinasaun Primeira doze iha 87 % no segundo doze iha 55.5% tuir Municipio Viqueque, depois mak RAEOA Oecusse no ultimu lugar mak Municipio Ainaro, tanba Municipio Ainaro iha Segunda doze 20.6 % no Primeira doze 54% ” Informa PM Taur Matan Ruak.
Entretantu iha Diskursu ne’e Primeiro Ministro Jose Maria de Vasconcelhos ( Taur Matan Ruak ) husu ba komunidade sira hotu iha Municipio Covalima liu liu ba ema nebe seidauk simu vasina atu bele hola parte iha vasinasaun nune’e atividade iha Municipio Covalima bele la’o ho normal.
Jornalista : Saturnino Soares
Editor : Chamot Nahac
