Pessoal Saude sira iha Covalima Kontinua halo Servisu Prenvensaun Covid-19 iha Fronteira Salele

Covalima (RCCT) 22-12-21, Servisu Saude Munisipiu Covalima liu husi Pessoal Saude sira ne’ebé destaka iha Pontu Entrada Salele kontinua hala’o servisu hodi halo prevensaun ba Covid-19 iha area fronteira liu husi halo teste PCR ba ema no Disinfektan ba kareta no sasan neebe tama no sai liu husi Fronteira Postu Integradu Salele Covalima.

Tuir Responsavel Mediku iha Pontu Entrada Salele Humberto Yohanes informa Tuir despaixu husi Ministerio Saude ne’ebé fo sai iha Publiku ba ema no sasan sira ne’ebé mak tama husi Indonesia mai Timor Leste tenki Disinfektan no Teste PCR ba ema ne’ebé tama mai.

Atendementu ba ohin loron tuir tuir despaixu ne’ebé fo sai ona, ne’ebé ohin loron ami atende kareta no sasan merkadoria ne’ebé tama husi Indonesia, no segundu ami atende mos pasazeiru legal maibe tenke iha Swap teste no PCR validu, negativu oras hat Nulu resin Walu (48) depois hare mos Sertifikadu VasinasaunInforma Responsavel Mediku iha Pontu Entrada Salele Humberto Yohanes.

Responsavel Mediku ne’e hatutan durante atendementu ba Covid-19 iha Pontu entrada Salele la’o normal no seidauk deteta ema ne’ebé pozitivu Covid-19 ne’ebé foin tama mai husi pontu entrada salele.

Tuir ami nia servisu konaba Covid-19 iha pontu entrada salele la’o di’ak hela no sei dauk hetan pozitivu husi ema ne’ebé mak tama/sai durante ne’e, tamba ita nia atendementu iha pontu entrada salele ne’e primeiru ita haruka sira fase liman, depois ami halo Disinfektan sira nia sasan , depois ami halo Screaning ou triangel, halo investigasaun hodi halo kartaun deklarasaun saude, cek mos sira ne’ebé tama husi Indonesia sira nia kartaun Vaksing depois ami halo swap hafoin ita hare rezultadu negativu mak ami entrega ba parte Imigrasaun ” Tenik Responsavel Mediku iha Ponto Entrada Salele Humberto Yohanes.

Entretantu tuir Responsavel Mediku iha Pontu Entrada Salele Humberto Yohanes informa iha Kuarta feira (22-12) ne’e pasazeirus husi Indonesia ne’ebé mak tama Timor Leste husi Pontu entrada Salele hamutuk na’in sanulu resin lima ( 15 ) inklui ho labarik no sasan.

Jornalista : Saturnino Soares

Editor       : Chamot Nahac