Covalima (RCCT) 22-04-22, Tuir Enjenaria ba Programa Nasional Dezenvolvimentu Suku (PNDS) Munisipiu Covalima Pedro de Araújo Gomes hateten prosesu konstruksaun Uma K’bi’it Laek (UKL) iha Munisipiu Covalima hamotuk Uma kain 90 dadaun ne’e atinje ona 72,63%.
“Bazeia ba prosesu hari uma kbi’it laek ne’ebé mak ami foti lista kandidatu, ekipa verifikador, verifika uma depois mak hari UKL iha Munisipiu Covalima total Uma ne’e sianulu no agora dadaun Prosesu hari uma kbi’it laek ne’e Atinje ona 722,63%” Informa Enjinerio Pedro de Araújo Gomes iha Nia kna’ar Fatin kinta feira ne’e(21/04)
Nia hatutan Implementasaun UKL iha Suku Lima ne’ebé iha Postu Administrataivu Zumalai Atinji ona 100%, falta deit Suku ida (Suku Lepo) mak seidauk implemta tanba razaun kondisaun estrada mak ladiak, maibe konstruksaun seluk la’o hela.
“Iha Postu Administrativu Zumalai, Suku balu nia prosesu atinje ona pursentu atus Ida (100%) Mak hanesan Lour,Zulo,Tazhilin,Raimea,Fatu Leto no Suku Usukai no suku mape no Usukai oras ne’e dadaun kontrusaun La’o hela no suku ida deit Mak sedauk implementa hanesan Suku Lepo Tamba kondisaun estrada la diak entaun difikulta Ami atu tula material kontrusaun hodi ba iha Suku refere no iha suku Zulo Uma ida halo kontrusaun remata ona no hetan ona inagura” Nia hatutan
Pendro mos dehan Postu Administrativu Nen (6) seluk iha Munisipiu Covalima oras ne’e dadaun balu lao hela no balu atinje ona pursentu atus Ida (100%)
“Iha Postu Sira seluk hanesan Postu Maukatar Suku balu mak to’o ona 100% no Balu agora Nia prosesu sei la’o hela no iha Postu Fatumea konstrusaun agora prosesu la’o hela atinje ona 50,64%, iha Postu Suai sedauk atinje 100% maibe atinje ona 52,77%, iha postu Fatululik Suku Rua ( Taroman no Fatululik) Prosesu kontrusaun atinje ona 100% hein deit enkontru kontabilidade final, iha Postu Tilomar nia Prosesu sedaukk to’o 100% maibe atinje ona 68’4% Bazeia ba progresu ne’ebé mak atinje iha fulan Marsu, iha Postu Maukatar Suku Ogues mak atinje ona 100% hein deit prepasaun ba inaugurasaun no Suku seluk iha Maukatar hotu hotu tama ona iha 90% ba leten no total progresu iha Maukatar 88,17% ,no iha Postu Fohorem agora la’o hela sedauk atinje 100% maibe atinje ona 73,49% “ Injineiru Pedro Esplika
Entretantu progresu Uma Kbi’it Laek ba faze dahuluk iha Munisipiu Covalima atinje ona 72,63% no ba iha konstrusaun Uma Kbi’it label (UKL) ba Faze Segundu sei halo konstrusaun uma( 278 )
Reportazen : Jhana Cardoso
Editor : Chamot Nahac
