Covalima (RCCT) 15-12-21, Igreja sei la taka ba sarani sira ne’ebé iha inisiativa atu halo prejepiu tanba hanesan Sarani Katolika kada tinan sarani hotu sempre halo prejepiu.
Amo Parokia Igreja Ave Maria Suai Sebastião Eugenio Correia hateten, Igreja la taka dalan ba Sarani hotu atu halo prejepiu iha ida-idak nia Bairu.
“Ba Sarani sira ne’ebé iha inisiativa atu halo prejepiu karik, Igreja sei la taka tanba hanesan Sarani Katolika kada tinan Sarani hotu sempre halo prejepiu iha ida-idak nia Bairu hodi haksolok iha loron Natal ne’e ” dehan Amo Parokia Pe. Sebastião Eugenio Correia.
Amo Parokia Igreja Ave Maria Suai Fundamenta, Sarani hotu bele halo prejepiu maibe nu’udar Katolika oan tenki halo ho domin tanba fatin ne’e la’os fatin diskotiku.
“Nu’udar Katolika oan halo prejepiu karik halo ho fuan, tenki respetu fatin ne’e, tanba fatin ne’e la’os ita atu hemu iha laran hodi halo baruillu, labele halo moe ita nia Relijiaun nia naran no labele halo moe ita nia an no fatin ne’e la’os fatin dikoteka maibe ita halo prejepiu ne’e nudar ita fiar na’in fatin ne’e sai hanesan orasaun ida mai ita hasoru malu atu Boasfesta ba malu depois hodi reja hamutuk” katak Pe.Sebastião Eugenio Correia
Enkuantu Amo Parokia Ave Maria Suai hato’o mensajen ba Sarani hotu, selebrasaun Loron Natal ne’e lori Domin no Dame, atu ita hadame malu bainhira hirus malu no odiu malu.
Jornalista :Aje Ferreira
Editor : Chamot Nahac
