Covalima ( RCCT ) 22-10-21, Polisia Cientifica de Investigasaun Criminal relaiza Seremonia Nasional iha Covalima ho tema ( Crime Sem Fronteiras ).
Noticia Relevante :https://www.rcct.tl/pcic-sosializa-prevensaun-kriminal-ba-estudante-esgp-suai/
Iha Seminario ne’e Diretur Nasional Polisia Cientifica De Investigasaun Criminal (PCIC) Vicente Fernandes Brito. Informa seminario Nasional ho tema Crime Sem Fronteiras ne’e importante ba prosesu Divulgasaun informasaun hodi motiva sidadaun sira nune’e bele iha limita ba krimi ruma.
“Ohin Polisia Cientifica de Investigasaun Criminal (PCIC) halo atividade importante hodi realiza Seminario Nasional, ho nia tema sentral (Crime Sem Fronteiras), tema ida ne’e importante tebes ba prosesu Divulgasaun informasaun ho nia objetivu mak atu motiva sidadaun sira atu limita an ba posiblidade sira involve an iha krime ruma, em relasaun ho krimi sira nebe mak sai preokupasaun mundial hanesan Trafiku Droga, Trafiku Humanu ho mos krime sira seluk tanba ne’e ita tenke reforsa medida prevensaun liu liu Municipio sira nebe mak iha Fronteira terrestre ho nasaun vizinho ” Diretur Nasional PCIC Dr. Vicebte Fernandes Brito
Tuir Diretur PCIC, Krime Organizadu Trans-Nasioanl hanesan krime nebe la konese Fronteira tanba krime sira ne’e bele ultrapassa husi paiz ida ba paiz seluk hanesan trafiku droga, trafiku humanu no terrorismu hodi prezudika paz ba Publiku.
“Hakarak ka lakoi Estadu tenke hamrik firme hodi kombate krime hirak ne’e, maibe ita tenke eskolha hodi prevene, ita mos tenke reforsa halo medida prevensaun atu nune’e ita bele motiva ita nia sidadaun sira hodi ajuda ita nia autoridade sira hanesan Xefe do Suco sira , Xefe do Posto no autoridade Municipal sira atu sira mos bele hada’et motivasaun ida ne’e ba ita nia komunidade no sosiedade sira, ida ne’e mak principal husi seminario nasional ida ne’e ho ho nia tema ( Crime Sem Fronteiras )”. Tenik Diretur Nasional PCIC Vicebte Fernandes Brito
Entretantu Diretur Nasional Polisia Cientifica de Investigasaun Criminal ( PCIC ) Vicebte Fernandes Brito. Husu mos ba komunidade liu liu ba Joventude sira iha Municipio Covalima atu la bele involve iha Krime, nune’e Nasaun bele moris ho hakmatek.
Jornalista : Saturnino Soares
Editor : Chamot Nahac
