Covalima (RCCT) 23-01-22, iha Konfrensian no Konsolidasaun Partidu KHUNTO iha Munisipiu Covalima ne’ebé Realiza iha Salaun Uma Feto Covalima Sabado (22/01), Koordenador Oscar Amaral Promesa iha Eleisaun Prezidensial 2022 Partidu K’manek Haburas Unidade Nasional Timor Oan (KHUNTO) sei manan ho 95% iha Municipio Covalima.
Iha nia deskursu Kordenador Partidu KHUNTO Munisipiu Covalima Oscar Amaral hateten, nia parte garantia iha Eleisaun Prezidensial 2022 sei manan 95% iha Municipio Covalima.
“Ami hotu hein katak Eleisaun Prezidensial 2022 Partidu KHUNTO sei manan 95% iha Covalima tanba ne’e ha’u husu ba Kordenador Partidu KHUNTO Postu 7 hahu oin ba oin atu servisu maka’as ita atu hametin ita nia forsa iha Eleisaun Prezidensial 2022 nian no ha’u fiar katak ita bo’ot sira sei halo buat ruma iha fulan ida ka rua” Promesa Kordenador Partidu KHUNTO Covalima Oscar Amaral iha Salaun Uma Feto Covalima, Sabado (22/01)
Ho nune’e Oscar Amaral esplika, nia parte garantia tanba ho Strutura ne’ebé 2000 resin preparadu tia ona atu lori Covalima ba oin nafatin.
“Ha’u garantia tanba Strutura ohin ne’e 2000 resin ne’ebé preparadu atu lori Munisipiu Covalima ida ne’e ba oin lori Partidu KHUNTO ne’e bele manan iha Munisipiu Covalima, molok atu tama Eleisaun ami organiza ami nia Strutura hotu komesa iha tinan 2022 to’o 2023 hamutuk ho ami nia estrutura komesa husi Aldeia to’o Munisipal” katak Oscar Amaral
Entretantu Kordenador Partidu KHUNTO Munisipiu Covalima husu ba Strutura Postu Administrativu 7 atu servisu maka’as iha ida-idak nia Postu atu nune’e bele lori Partidu KHUNTO ne’e la’o ba oin nafatin.
Jornalista : Aje Ferreira
Editor : Chamot Nahac
