ONG Belun Realiza Eventu Hadame OAM-GAR Iha TIlomar Liu husi Kultura

Covalima (RCCT) 18-11-22– Organizasaun la’os governu nian (ONG) Belun Servisu hamutuk ho nia parseiru rede prevensaun no responde konflitu (RPRK) Postu Tilomar no parseria mos ho KRAM realiza eventu dame liu husi kultura  ho Organizasaun Arte Marsial (OAM) no Grupu Arte Ritual (GAR), iha  Postu Administrativu Tilomar, Munisipiu Covalima.

Ho nune’e labele uza diferensia sai frakeza hanesan atu odiu mal nune’e komunidade lider komunitaria, Administradar no Seguransa hodi hala’o eventu Dame liu husi kultura Tilomar ni’an.

Eventu dame dialogu komunitariu hodi armoniza relasaun ba hametin dame liu husi kustume kultural ne’ebé organiza husi ONG Belun ne’ebé hetan suporta finaseira husi Centru Nasional Chega! (CNC).

“Ita realiza eventu dame ida ne’e hetan kolaborasaun servisu hamutuk ho rede prevensaun no responde konflitu Postu Tilomar hamutuk ho administrador postu sira ho nia objetivu atu hametin relasaun no kolaborasaun ita nia diferensia sai hanesan forti” , Reprezentante diretor ONG Belun Romando Caetano hato’o liu husi nia diskursu realiza eventu dame ho organizasaun arte marsial iha Postu Tilomar, sesta ne’e.

Reprezentante Administradar Munisipiu Covalima, Benedito Maia reforsa, realiza eventu dame liu husi kultura ida ne’e hodi sai ema ida de’it hodi fo liman ba malu forma amizade hodi kria pas nune’e labele hamosu krimi.

“ Ohin hala’o eventu dame liu husi kustume kultural ita hotu nia hanoin ema ida de’it ita nia obrigasaun ita tenke fo liman ba malu, forma amiza hodi hetan dame no pas nune’e labele hamosu krime no violensia”, nia dehan.

Sidadaun  sira iha Postu Administrativu Tilomar maske iha difensia lian hanesan tetun terik no bunak no organizasaun keta ketak iha Tilomar hanoin la hanesan maibe planu ida de’it atu halo dezenvolvimentu iha tilomar nune’e Tilomar sai ezemplu iha munisipiu Covalima

Iha serimonia realiza  eventu dame ne’e,  Prezidente KRAM Octávio da Conceição nu’udar orador daruak fahe informasaun servisu KRAM ba Organizasuan Arte Marsial (OAM) no Grupu Arte Ritual (GAR) sira,  iha Postu Administrativu Tilomar.

“ KRAM  nia kna’ar bazea ba dekretu  lei numeru 5/2017 artigu 9 dehan KRAM bele halo lei ,fiskaliza no kontrola atividade arte marsial, maibe iha atividade seluk, ami mos promove dialogu tara bandu ba arte marsial iha timor laran.ohin ita asiste serimonia kulturál husu lider arte marsial atu kumpri”,  nia esplika

Lei 5/2017 artigu 28 numeru alinea B husi lei numeru 5/2017 labele hatais atributu organizasaun arte marsial hodi la’o ba mai la’os iha fatin treinu,  no arte ritual atu kopera malu.

“Hahalok arte marsial la hatudu hodi hadomi imi nia aan rasik no fo ameasa ba vida estadu nian tanba ne’e kram hahu halo lei atu regula ita-nia atitude sira”. nia hakotu.

Tuir baze dadus husi KRAM rejista membru arte marsial husi organizasaun sira hanesan, PSHT na’in 11.000, IKS 6000, kork na’in-4000.

Reportazen RCCT