Covalima (RCCT) 24-08-21 Organizasaun Noun Govermental (ONG) ba Futuru, nebe hetan Finánsia husi MISEREOR husi Nasaun German, no Ko-Finánsia husi Kinder Mission hodi fo treinamentu ba Negosiante feto sira hamotuk nain rua-nulu-resin-lima (25) husi Postu Administrativu Suai Municipio Covalima.
Feel Staff ONG Ba Futuru Octavianti Maria Nunes iha intervista hateten, objetivu husi treinamentu ne’e atu hasa’e feto negosiates sira nia abilidade hodi bele partisipa ho di’ak iha atividades Ekonómia, no oinsa bele resolve konflitu la uja violénsia no koñesimentu kona ba prevensaun violénsia baseia ba jéneru.
“ Objetivu husi treinamentu ida ne’e, atu haforsa feto sira iha area negosiu nian, oinsa maka bele jere osan, rai osan, no impresta osan, depois oinsa sira bele rezolve konflitu la uja violénsia, no hasa’e koñesimentu kona ba oinsa bele halo prevensaun ba violénsia ba jéneru nian ” Octavianti dehan iha Sede Suco Debos (24/08).
Fell Staff ONG Ba Futuru Octavianti mos dehan, Formasaun ne’e sei hala’o durante Semana ida resin nebe hahu iha Segunda-Feira horiseik (23/08), nia informa ONG ba Futuru identifíka Postu Suai maka númeru Negosiante barak, aleinde ida ne’e Postu Tilomar Suco Maudemo, tanba ne’e ONG Ba Futuru sei fokus deit ba Postu Suai.
“ONG Ba Futuru identifika katak Postu Suai maka negosiante barak liu, aleinde ida ne’e iha Suco Maudemo, nebe dadaun ne’e ami foka deit maka Postu Suai depois maka passa ba fatin seluk, ami nia formasaun ne’e hahu iha horiseik, no sei remata iha dia dois de Setembru (02-09-21)” Octavianti dehan.
Iha fatin ne’e Partisipante Lidia Ikun Soares husi Aldeia Asurai sente kontente ho formasaun ne’e, tanba bele hasa’e ona koñesimentu konaba negósiu no nsst, nia promesa sei aplika iha komunidade nia le’et.
“ Ha’u sente kontente tebe-tebes ho formasaun ida ne’e, tanba bele hasa’e ona ami nia koñesimentu kona ba lala’ok negósiu nian, depois kona ba konflito nsst, depois formasaun ne’e hotu, buat nebe maka ha”u iha bele aplika iha hau nia komunidade nia le’et ” Lidia dehan.
Entretantu Partisipantes na’in 25 ne’e husi Postu Suai Kompostu husi Suco Suai-Loro, Debos, Kamenasa, no treinamentu durante semana ida resin ne’e realiza iha Sede Suco Debos Postu Administrativu Suai.
Jornalísta : Tynho Gusmão
Editor : Chamot Nahac
