OJE 2022 Covalima Investe 3.6 Miliaun ba Programa 11 Aktividade 62 no Sub Programa 32

Diretór Finansas Munisipiu Covalima Aniceto Amaral iha Salaun Administrasaun Munisipiu.

Covalima (RCCT) 17-01-22, Orsaméntu Jeral Estadu (OJE) Tinan 2022, Administrasaun Munisipiu Covalima (AMC) hetan alokasaun ho montante $ 3,6.000.000.000 Dollar Amerikanu

Ba Jornalista sira Diretór Finanças Munisipiu Covalima Aniceto Amaral hateten, husi total orsamentu ne’e sei investe ba programa 11, no sub-programa hamutuk 32 inklui ho atividade hamutuk 62.

Total orsamentu ba dois mil vinte dois (2022) Administrasaun Munisipiu Covalima ne’e hetan alokasaun tres pontu seis Miliaun ($ 3,6.000.000.000), ida ne’e maka sei investe ba iha onze programas, terinta dois sub-programa ho sesenta dois atividade” Diretór Finanças dehan iha Salaun Administrasaun Munisipiu Covalima bainhira hala’o enkontru ho Diretór servisu Munisipal sira (17/01).

Diretór Finanças Covalima fundamenta Servisu Munisipal sira tenki hatene alokasaun orsamentu ba tinan 2022, atu nune’e sira bele ezekuta tuir planu ne’ebé trasa tiha ona.

Servisu Munisipal ida-ida tenki hatene ninia alokasaun orsamentu ba tinan 2022 nian, atu nune’e iha implementasaun ne’e sira bele hatene ona katak ba atividade ida ne’ebé maka tau iha planu asaun anual ba tinan 2022 nian sira bele ezekuta tuir planu sira ne’ebé maka trasa tiha ona” Aniceto informa.

Iha fatin hanesan Administrador Munisipiu Covalima (AMC) Francisco de Andrade husu ba Diretór Servisu Munisipal sira atu halo planu ida ne’ebé di’ak, no nia husu atu ezekuta orsamentu ho lolos no labele deskonfia malu.

Iha diskusaun orsaméntu ida ne’e ida-idak tenki hatene lolos ninia orsamnntu ba tinan ne’e hira?, depois imi tenki halo planu ida ne’ebé di’ak, atu nune’e ezekusaun ne’e bele la’o, depois ezekuta karik labele sala no labele deskonfia malu, dalaruma ema ida ne’ebé kaer osan ita ko’alia bebeik iha nia kotuk ne’e la diak” AMC Lian ne’e informa bainhira halo abertura ba enkontru ho Diretór Servisu Munisipal sira iha Salaun Administrasaun Covalima.

Entretantu Administrasaun Munisipiu Covalima hahu fo ona oportunidade ba Servisu Munisipal sira atu halo pedidu, hodi nune’e halo pagamentu ba sira nia atividade ne’ebé maka trasa ona ba tinan 2022.

Jornalista : Tynho Gusmão

Editór : Chamot Nahac