Covalima (RCCT) 02-09-21, Xefi Aldeia Lo’o Hali Suco Fohorem Odete do Rego Moru deklara ba Jornalista RCCT, konsidera ho Programa Mão de Obra bele fo benifisiu ba Komunidade sira hodi bele assesu ba merkadu no fa’an sira nia produtu Lokal.
“Progrma Mão de Obra ne’e bele fo benifisiu ba komunidade sira atu bele asesu ba Merkadu no fa’an sira nia produtu Lokal, karik Estrada ne’e, di’ak ba komunidade sira entaun sira mos bele asesu ba sira nia presiza” dehan Xefi Aldeia Lo’o Hali Odete do Rego Moru
Xefi Aldeia ne’e esplika trabalhador sira nebe partispa servisu iha Programa Mao de Obra hetan salariu ema ida hetan $ 5.00 kada loron.
“Trabalhador sira loron ida hetan $ 5.00 kada ema na’in ida, depois sira servisu durante loron 14, ne’e ba faze primero no faze segundu mos loron 14, iha faze primeiro ne’e, kada Aldeia ida ami komunidade 20, karik komunidade nebe hola parte ona iha faze primeiro ne’e, entaun faze segundu nia la bele hola parte ona, no iha faze primeiro ne’e mane mak barak liu, tuir fali iha faze segundu feto mak barak liu ” tenik Odete do Rego Moru
Jornalista : Aje Ferreira
Editor : Chamot Nahac
