OAM-GAR halo Komprimisiu Dame iha Covalima – KRAM husu labele rekruta membru Foun ho Idade 50

Letratu: OAM-GAR halo Komprimisiu Dame iha Salaun Parokial Igreja Suai; Foto RCCT/Jana Cardoso

Covalima (RCCT) 30-04-22, Organizasaun Arte Marsial (OAM) no Grupu Arte Ritual (GAR) sira iha Covalima realiza Komprimisiu Dame iha Salaun Parokial Igreja Ave Maria Suai hodi hametin unidade nune’e bele kontribui ba Paz iha Timor Leste Liliu iha Covalima.

Prezidenti Komisaun Regula Arte Marsial (KRAM) husu Organizasaun Arte Marsial (OAM) no Grupu Arte Ritul (GAR) sira atu labele rekruta membru ho Idade Avansadu (idade tinan 50) no mos husu OAM no GAR hanorin mos Spritualudade ba membru sira.

“Iha matadalan mos Ami husu Prosesu rekruta membru foun sira komesa husi idade 6 anos to’o 11 to senior maibe labele rekruta ema ho idade 50 anos tamba sira tuku tebe labele no husu treinador sira labele hanorin deit tuku tebe tenki hanorin mos espiritualidade” Prezidenti KRAM husu.

Tan ne’e Prezidenti Komisaun Regula Arte Marsial (KRAM) Nasional Octávio da Conceição hateten Segunda diretiva derivadu liu husi resolusaun Lei no 4/2020 Orienta Treinador sira atu Hahu halo sira nia atividades maibe nafatin halo tuir koridor no liña kontrolu.

“Segunda diretiva nudar derivado nafatin husi resolusaun n° 4/2020 orienta treinador sira atu hahu halo sira nia atividade treinamentu sira, KRAM autoriza maibe nafatin iha korida liña kontrolu ne’e tuir mata dalan iha ona diretiva KRAM nian, tamba ne’e atu hera mata dalan ne’e responsável imi nia líder no treinador sira nian atu orienta ba membru sira iha kada ranting” Dehan rezidenti Komisaun Regula Arte Marsial (KRAM) Nasional Octávio da Conceição iha nia Deskursu.

Prezidenti ne’e hatutan maske organizasaun sira rejistu ona maibe molok atu loke iha Suku no Aldeia tenki priense kritériu ne’ebé iha primeira diretiva.

“Imi Nia organizasaun Sira rejisto ona legal maibe favor treinador sira imi atu hahu loke imi nia rating sira iha Suku no Aldeia tenki priense kriteriu iha primeira diretiva, no kriteriu ne’e sei fo ba iha maun bo’ot senior sira iha Munisipiu aprova depois mak fo ba iha KRAM Munisipiu lori ba iha pusat no iha pusat aseita mak Ita bo’ot sira lori Mai KRAM Sertifika, no kada ranting ida atleta minimu 20 no treinador kada ranting tenki na’in lima senior na’in tolu junior na’in rua. Tenik Nia

Entretantu Serimonia komprinisiu Dame ne’e partisipa masimu husi Organizasaun Arte Marsial (OAM) no Arte Ritual (GAR) sira mak hanesan, Kmanek Oan Rai Klaran(KORK), Persaudaraan Setia Hati Terate (PSHT) Ikatan Keluarga Silat Putra Timor Leste (IKS-PTL) Kungfu Wushu, Seruling Dewata, PadJadjaran, Karate, Taekwondo, Kolimau 2000, Seven-Seven) (77), Santo Antônio/Sico-Sico (55) no THS THM.

Repórter : Jhana Cardoso

Editor :. Chamot Nahac