Normaliza Hikas Fornesimentu Be Mos-BTL Covalima Provizoriamente Hapara Distribuisaun Be ba Komunidade

Letratu: Kordenador BTL Covalima Castro Dodi Ramos/Foto RCCT; Jhana Cardos

Covalima (RCCT) 17-05-22—Normaliza hikas Fornesementu Be Mos ba Komunidade sira iha Suai laran, ho Bomba neebe iha Kapasidade bo’ot duke Bomba Tuan neebe dadaun ne’e BTL Covalima Uza hodi fahe Be Mos ba komunidade sira.

Tan ne’e hahu husi ohin loron 17 to’o loron 20 Fulan Maiu Be Timor Leste (BTL) iha Covalima Provizoriomente sei hapara fahe Be Mos ba Komunidade sira, tanba tekniku husi (BTL) Nasional halo mudansa hodi troka Bomba Tuan ba Bomba foun ne’ebé ho Kapsidade bo’ot.

Bomba ne’ebé mak agora dadaun monta ne’e ho kapasidade bomba sp77, signifika katak agora ne’e ita bele produs Be 21 Litro por Segundo kompara ho uluk ne’e 11 litru por Segundo, tanba ne’e ita nia Be nia debit ne’e ki’ik, espera ho Bomba foun ne’e bele normalize fila fali fornesimentu Be ne’ebé mak durante ne’e la’o ladun normal” Kordenador BTL Covalima Castro Dodi Ramos, hato’o Lia ne’e iha Sukabi Laran, bainhira akompaña ekipa BTL Nasional halo normalizasaun no mudansa hodi Bomba Tuan ho Bomba foun, Tersa Feira ohin.

Nia hatutan prosesu Normalizasaun ne’e sei hala’o durante loron tolu no nia garantia ho kapasidade Bomba ne’ebé mak bo’ot, bele halo fornesementu Be mos bele la’o normal maibe hare mos ba Komunidade ida idak nia konsiensia hodi uja Be.

Prosesu ne’e, han tempu loron rua ba oin ne’ebé Kinta hanesan ne’e fiar katak ita bele uza normal fila fali no garantia katak Be bele la’o normal, ita tenki iha mos konsiensia utililzasaun ba Be mos tanba ita uza Be grafitasi diferente ho perfurasaun tanba Be, grafitasi ita fahe persija enerjia eletrisidade tanba ne’e ahi mate mak ita mos labele asesu tanba ne’e ita mak iha konsiensia” Nia Hatenik

Nia informa bainhira fornesimentu Be mos la’o normal parte husi (BT) sei monta kontador iha kada uma atu nune’e bele utiliza Be ho di’ak.

Jornalista : Jhana Cardoso

Editor       : Chamot Nahac