Covalima (RCCT) 09-06-21 Relasiona ho Situasaun Estadu Emergensia (EE) no Serka Sanitaria (SS) tanba Covid-19 ne’ebe mak akontese iha Mundu tomak inklui mos Nasaun Timor-Leste, hodi fo inpaktu ba Komunidade, liu-liu ba Negosiante sira nebe mak Fa’an sira Sasan Nesesidade Bazika iha merkadu laiha Folin.
Tamba ne’e Negosiante Mafalda Cardoso da Costa iha Merkadu Suai preokupa tanba sasan nebe nia fa’an laiha folin iha ambito Estatu Emergensia (SS) no Serka Sanitaria (SS) Kompradores menus atu sosa sasan nebe sira faan.
“Ami iha merkadu ne’e ema atu sosa ami nia sasan menus tebes tanba ho situasaun Estadu Emergensia (ES) no Serka Sanitaria (SS), distansia sosial, depois merkadu mos k’lok ami nia preokupasaun mak ne’e” Dehan Negosiante Mafalda Cardoso iha Merkadu Suai.
Mafalda Cardoso hatutan, ba dadaun ne’e sasan folin sa’e makas no la hanesan uluk tanba ho Situasaun Estadu Emergensia (ES) no Serka Sanitaria (SS).
“Agora ho uluk ne’e diferensia dok ho uluk hanesan uluk ha’u fa’an masin midar kilo 1 ha’u hetan ha’u bele hetan fali kilo 1 resin, maibe agora ne’e sasan nia folin la hanesan ho uluk, tanba ho Situasaun moras Covid-19” Tenik Mafaldan Cardoso.
Ho nune’e Negosiante Mafalda Cardoso da Costa husu ba Guvernu bele hasai sira husi Situasaun ida ne’e atu nune’e sira bele livre atu buka Osan.
Jornalista : Aje Fereira
Editor : Chamot Nahac
