Covalima (RCCT) 27-05-21, Ministério Solidariedade Sosial no Inklusaun (MSSI) liu husi Sentru Solidariedade Sosial Covalima regista ema nebe hala’o Komérsiu no Kompanha sira, inklui Motorista sira iha Covalima hamutuk 56, nebe kompostu husi Kios 20, Rental 1, Kompanha 4 no Bus hamutuk 25, inklui Bemo (Mikrolete) 1.
Ba Jornalísta RCCT Tékniku Implementador Registo ba Comersiante, Nelson de Jesus hateten, ba dadaun ne’e Sentru Solidariedade Sosiál iha Município Covalima rejista ona ema nebe maka atu hetan Subsídiu husi Governo iha âmbito Situasaun Sérka Sanitária (SS) hamutuk 54.
“ Agora ne’e ami hahu rejisto husi dia 19-05 to’o ohin Loron dia 27-05, ami rejisto ema nebe kios hamutuk 20, Kompanha 4, Bus 25, nomos Bemo 1, ema sira ne’e atu simu subsídiu husi Governo iha âmbito Sérka Sanitária (SS) ne’e ” Dehan Nelson de Jesus.
Enkuanto atu loron atu hetan Subsídiu husi Governo, parte husi Sentru Solidariedade Sosial Covalima seidauk bele determina, tanba sei haruka dokumentos hirak ne’e ba Nasional.
“ Konaba rejultado ida ne’e hau seidauk bele koalia, tamba dokumentos hirak ne’e ami sei haruka hotu ba Diresaun Nasional MSSI nian, no sira iha Nasional maka bele fo rejultado, depois maka ami bele fo sai ” Nelson dehan
Entertanto Registrasaun ne’e hahu iha Loron 19-05-2021, no tuir lolos data registrasaun termina iha loron Quinta Feira ohin (27-05-2021) maibe ba sira nebe maka Kompanha ho Kios sira, inklui Bus sira nebe maka halo negósio ne’e sei kontinua halo registrasaun nafatin.
Jornalísta : Tynho Gusmão & Lito de Jesus
Edítor : Chamot Nahac
