MSSI- Covalima Distribui Foos sakas 99 ba ema Vulneravel iha Suco Matai

Covalima (RCCT) 27-07-21, Ministerio Solidariedade Sosial no Inkluzaun (MSSI) distribui Foos sakas 99 ba ema Vulneravel iha Suco Matai Postu Administrativu Maukatar Municipio Covalima, Benefisiario ba Apoio ne’e komposto husi Feto 66 Mane 33.

Iha Distribuisaun Fos ne’e Diretur MSSI iha Covalima Agapito Assis iha Diskursu hateten, Governu Servisu hamutuk ho Intutuisaun sira iha Municipio atu nune’e hodi atende ba Inan no Aman sira, liu-liu ba sira nebe kategoriu Vulneravel.

“Ita hotu hatene situasaun agora, tamba ne’e mak Ita nia Governo la taka matan no servisu hamutuk ho instituisaun sira iha Municipio hodi atende atende netik inan no aman sira liu-liu ba sira nebe Vulneravel” Dehan Diretur MSS Agapito Assis

Benefisiaria Elfina Cardoso Senti Orgulhu ho MSSI distribui Foos ne’e, maske sakas ida, maibe bele sustenta netik nia ho Familia hodi aguanta moris.

“Ha’u senti Orgulhu tebes, ho MSS Nebe mak distribui Foos ne’e, maske ami hetan Foos sakas ida deit maibe hau bele sustenta netik hau ho hau nia oan nain rua” Katak Elfina Cardoso

Entretantu iha Distribui Foos ne’e, Akompanha mos ho Administrador Municipio Covalima.

Jornalista : Aje Ferreira
Editor       : Chamot Nahac